அமெரிக்கா விசா பெற பெண்ணுக்கு உதவிய ‛பிளிங்கிட்' டெலிவரி.. 15 நிமிடத்தில் நடந்த மேஜிக்! கஸ்டமர் ஹேப்பி
டெல்லி : அமெரிக்கா செல்ல கவுரி குப்தா என்பவர் டெல்லியில் உள்ள அந்த நாட்டின் தூதரகத்துக்கு சென்றார். அப்போது சில ஆவணங்களை அவர் வீட்டில் மறந்து வைத்து விட்டார். நீண்டவரிசை இருந்ததால் அவரால் அதனை எடுத்து வர முடியாத நிலையில் ‛பிளிங்கிட்' டெலிவரி 15 நிமிடத்தில் உதவி செய்தது. இதனால் தற்போது அந்த பெண் அமெரிக்காவுக்கான விசாவை பெற்றுள்ளார்.
நம் நாட்டில் ஆன்லைன் டெலிவரிக்கு ஏராளமான நிறுவனங்கள் செயல்பட்டு வருகின்றன. உணவு முதல் அனைத்து வகையான பொருட்களையும் நாம் இருந்த இடத்தில் இருந்து கொண்டு ஆன்லைன் டெலிவரி மூலமாக பெற்று கொள்ள முடியும்.
இந்நிலையில் தான் அமெரிக்கா செல்ல விசா எடுக்க சென்ற கவுரி குப்தா என்ற பெண்ணுக்கு ‛பிளிங்கிட்' நிறுவனம் உதவி செய்தது பற்றிய சுவாரசிய தகவல் வெளியாகி உள்ளது.
அதாவது கவுரி குப்தா என்ற பெண், ஏஐ தொடர்பான ‛ஸ்டார்ட்அப்' நிறுவனத்தை நடத்தி வருகிறார். இவர் அமெரிக்கா செல்வதற்காக O-1 ரக விசா பெற டெல்லியில் உள்ள அமெரிக்க தூதரகத்துக்கு சென்றார். அங்கு நீண்ட வரிசையில் மக்கள் நின்றனர். இதற்கிடையே தான் விசா பெற சில முக்கிய ஆவணங்கள் அவரிடம் இல்லை என்பது தெரியவந்தது. இந்த வேளையில் அவருக்கு ‛பிளிங்கிட்' டெலிவரி தான் உதவி செய்தது. தற்போது கவுரி குப்தா அமெரிக்காவின் விசாவை பெற்றுள்ளார்.
அந்த பெண்ணுக்கு ‛பிளிங்கிட்' டெலிவரி எப்படி உதவியது என்பது பற்றி கவுரி குப்தா தனது எக்ஸ் வலைதள பக்கத்தில் குறிப்பிட்டுள்ளார். அதில், அவர் கூறியதாவது: டெல்லியில் உள்ள அமெரிக்க தூதரகத்தில் தனது ஓ-1 விசா நேர்காணலுக்கு காத்திருந்தேன். அப்போது "ஓ-1 விசா அங்கீகாரத்திற்கு கூகுள் முக்கியமானதென கூறும் சில ஆவணங்கள் என்னிடம் இல்லை என்பதை உணர்ந்தேன். காலை 8 மணிக்கு நேர்காணல் நேரம் ஒதுக்கப்பட்டதால், ஆவணங்களை எடுத்து வர எனக்கு நேரமில்லை.
இந்த வேளையில் காவலாளி ஒருவர், ப்ளிங்கிட் சேவையைப் பயன்படுத்தி ஆவணங்களை வரவழைக்கலாம் என்று பரிந்துரைத்தார். வரிசையில் நின்றவாறே, நான் எனது ஆவணங்களை அந்த செயலியில் பதிவேற்றினேன். அடுத்த 15 நிமிடங்களில் அந்த ஆவணங்கள் பிரிண்ட்டாக எனது கையில் வந்து சேர்ந்தது. இப்போது விசா எனக்கு கிடைத்துள்ளது'' என மகிழ்ச்சியாக கூறியுள்ளார்.
Click it and Unblock the Notifications
Sign in with Google