கொரோனா ஒரு நாள் பாதிப்பு.. டாப் 5வது இடத்திற்கு வந்த இந்தியா.. ஷாக் தகவல்

டெல்லி: உலகில் இன்று மட்டும் புதிய கொரோனா தொற்று அதிகம் பாதித்த நாடுகள் பட்டியலில் ஐந்தாவது இடத்தில் இந்தியா உள்ளது.ரஷ்யா இந்த பட்டியலில் முதல் இடத்தில் உள்ளது.

உலகம் முழுவதும் கொரோனா வைரஸ் தொற்றால் இதுவரை 5,611,546 பேர் பாதிக்கப்பட்டுள்ளனர். 348,328 பேர் இதுவரை கொரோனாவால் உயிரிழந்துள்ளனர். 2,388,034 பேர் உலகம் முழுவதும் கொரோனாவில் இருந்து குணம் அடைந்துள்ளனர். 2,875,184 பேர் கொரோனா பாதிப்புடன் உலகம் முழுவதும் பல்வேறு மருத்துவமனைகளில் சிகிச்சை பெற்று வருகிறார்கள்.

இன்று மாலை 5 மணி நிலவரப்படி ஒரு நாளில் மட்டும் 27, 279 பேர் கொரோனாவால் பாதிக்கப்பட்டுள்ளனர். இன்று கொரோனாவால் அதிகம் பாதிக்கப்பட்ட டாப் 10நாடுகள் பட்டியலில் இந்தியா ஐந்தாவது இடத்தில் உள்ளது.

உலகிலேயே அதிகபட்சமாக ரஷ்யாவில் 8915 பேருக்கும், மெக்ஸிகோவில் 2485 பேருக்கும், ஈரானில் 17897 பேருக்கும்,. கத்தாரில் 1742 பேருக்கும், இந்தியாவில் 1426 பேருக்கும், பாகிஸ்தானில் 1356 பேருக்கும். வங்கதேசத்தில் 1166 பேருக்கும் பெலாரியஸ் நாட்டில் 915 பேருக்கும் துபாயில் 779 பேருக்கும், ஆப்கானிஸ்தானில் 658 பேருக்கும் கொரோனா தொற்று இன்று உறுதி செய்யப்பட்டுள்ளது.

உலகிலேயே கொரோனாவால் அதிகம் பாதிக்கப்பட்ட நாடாக அமெரிக்கா உள்ளது.இந்தியா இந்த பட்டியலில் 10வது இடத்தை பிடித்துள்ளது.

கொரோனா அதிகம் பாதித்த டாப் 10 நாடுகள் பட்டியல்:

• அமெரிக்கா: 1,706,226
• பிரேசில்: 376,669
• ரஷ்யா: 362,342
• ஸ்பெயின்: 282,480
• இங்கிலாந்து 261,184
• பிரான்ஸ் 182942
• ஜெர்மனி: 180,808
• துருக்கி: 157814
• இந்தியா: 146376

English summary

19 India on top 5 countries on new cases today and on top 10 in overall cases