இந்தியாவில் மேலும் 12,781 பேருக்கு கொரோனா; 18 பேர் உயிரிழப்பு! மகாராஷ்டிராவில் கிடுகிடு அதிகரிப்பு!

Updated: Monday, June 20, 2022, 21:39 [IST]

Subscribe to Oneindia Tamil

டெல்லி: இந்தியாவில் கடந்த சில நாட்களாக ஒருநாள் கொரோனா பாதிப்பு எண்ணிக்கை 12,000-த்தை தாண்டியதாக பதிவாகி உள்ளது. இந்தியாவில் கடந்த 24 மணிநேரத்தில் மொத்தம் 12,781 பேருக்கு கொரோனா தொற்று உறுதி செய்யப்பட்டுள்ளது. மேலும் கொரோனாவுக்கு கடந்த 24 மணிநேரத்தில் 18 பேர் உயிரிழந்துள்ளனர்.

நாட்டில் நேற்று காலையுடனான 24 மணி நேரத்தில் 12,899 பேருக்கு புதிதாக தொற்று ஏற்பட்டிருந்தது. நேற்று இந்தியாவில் கொவிட் சிகிச்சை பெறுபவர்களின் எண்ணிக்கை 72,474 ஆக இருந்தது. அதாவது கொவிட் சிகிச்சை பெறுபவர்கள் எண்ணிக்கை 0.17 சதவிகிதமாக இருந்தது.

மேலும் நேற்று காலையுடனான 24 மணி நேரத்தில் 8,518 பேர் கொரோனா பாதிப்பில் இருந்து குணமடைந்திருந்தனர். நாட்டில் கொரோனா தினசரி பாதிப்பு விகிதம் 2.89 சதவீதம் ஆகவும் வாராந்திர பாதிப்பு விகிதம் 2.50 சதவீதம் ஆகவும் இருந்தது.

ஒருநாள் பாதிப்பு

இந்நிலையில் இன்று காலையுடனான 24 மணிநேரத்தில் மொத்தம் 12,781 பேருக்கு கொரோனா தொற்று உறுதி செய்யப்பட்டுள்ளது. இது தொடர்பாக மத்திய சுகாதாரத்துறை அமைச்சகம் வெளியிட்டுள்ள விவரங்கள்: இந்தியாவில் கடந்த 24 மணி நேரத்தில் 12,781 புதிய நோயாளிகள் பதிவு செய்யப்பட்டுள்ளனர். கடந்த 24 மணி நேரத்தில் 2,96,050 கொவிட் பரிசோதனைகள் செய்யப்பட்டன. இதுவரை மேற்கொள்ளப்பட்ட மொத்த பரிசோதனைகளின் எண்ணிக்கை 85.81 கோடி (85,81,37,713). வாராந்திரத் தொற்று 2.62 சதவீதமாக உள்ளது. தினசரித் தொற்று விகிதம் 4.32 சதவீதமாக பதிவாகியுள்ளது.

ஆக்டிவ் கேஸ்கள் அதிகரிப்பு

இந்தியாவில் தற்போது சிகிச்சை பெறுவோரின் எண்ணிக்கை (76,700) மிகக் குறைவாக உள்ளது. நாட்டின் மொத்த நோய் தொற்று உள்ளவர்கள் தற்போது 0.18 சதவீதமாக உள்ளனர். இதை தொடர்ந்து இந்தியாவில் குணமடைந்தோர் விகிதம் 98.61 சதவீதமாக உள்ளது. கடந்த 24 மணி நேரத்தில் 8,537 பேர். குணமடைந்துள்ளனர். பெருந்தொற்றின் தொடக்கத்திலிருந்து இதுவரை குணமடைந்தோர் மொத்த எண்ணிக்கை 4,27,07,900.

கொரோனா தடுப்பூசி

இந்தியாவில் கொவிட்-19 தடுப்பூசி செலுத்தப்பட்டோர் எண்ணிக்கை இன்று காலை 7 மணி நிலவரப்படி 196.18 கோடிக்கும் அதிகமான (1,96,18,66,707) டோஸ்கள் செலுத்தப்பட்டுள்ளன. 2,53,18,438 அமர்வுகள் மூலம் இந்த சாதனை படைக்கப்பட்டுள்ளது. கொவிட்-19 தடுப்பூசி 12-14 வயதிற்குட்பட்டோருக்கான 16 மார்ச் 2022 அன்று தொடங்கப்பட்டது. இதுவரை, ஏறத்தாழ 3.57 கோடிக்கும் அதிகமான (3,57,40,210) இளம் பருவத்தினருக்கு கொவிட்-19 தடுப்பூசியின் முதல் டோஸ் செலுத்தப்பட்டுள்ளது.

மாநில நிலவரம்

18-59 வயது உடையவர்களுக்கு கொவிட்-19 முன்னெச்சரிக்கை தவணை தடுப்பூசி செலுத்தும் பணி 10 ஏப்ரல் 2022 அன்று தொடங்கியது.மாநிலங்கள் மற்றும் யூனியன் பிரதேசங்களுக்கு இதுவரை, 193.53 கோடிக்கும் மேற்பட்ட (1,93,53,58,865) தடுப்பூசி டோஸ்கள் மத்திய அரசு மூலம் இலவசமாகவும் மற்றும் மாநிலங்களின் நேரடி கொள்முதல் மூலமும் வழங்கப்பட்டுள்ளன.மாநிலங்கள் மற்றும் யூனியன் பிரதேசங்களிடம் 12.75 கோடிக்கும் மேற்பட்ட (12,75,03,205) தடுப்பூசி டோஸ்கள் இன்னமும் இருப்பில் உள்ளன.