நீரஜ் சோப்ராவை கொண்டாடி தீர்த்த ராணுவம்.. அவருக்கும், ராணுவத்துக்கும் உள்ள தொடர்பு தெரியுமா?

Published: Saturday, August 7, 2021, 21:27 [IST]

Subscribe to Oneindia Tamil

டெல்லி: நாட்டின் ஒட்டுமொத்த மக்கள் மட்டுமின்றி உலகம் முழுவதும் உள்ள இந்தியர்களை மகிழ்ச்சி கடலில் ஆழ்த்தியுள்ளார் நீரஜ் சோப்ரா. டோக்கியோ ஒலிம்பிக் தொடரில் ஈட்டி எறிதல் போட்டியில் தங்கம் வென்றுள்ள நீரஜ் சோப்ரா பல்வேறு சாதனைகளுக்கு சொந்தக்காரராகியுள்ளார்.

ராணுவ அதிகாரி

பல்வேறு பெருமைகளை பெற்றுள்ள நீரஜ் சோப்ரா ஹரியானாவைச் சேர்ந்த ஒரு விவசாயியின் மகன் ஆவார். சண்டிகரில் உள்ள டி.ஏ.வி கல்லூரியில் பட்டப்படிப்பு முடித்துள்ள நீரஜ் சோப்ரா, இந்திய இராணுவத்தில் அதிகாரியாக பணிபுரிந்து வந்தார். நீரஜ் சோப்ரா தங்கம் வெல்ல வேண்டும் என்று அவருடன் பணிபுரிந்த சக ராணுவ வீரர்கள் எதிர்பார்த்தனர்.

ராணுவம் வாழ்த்து

அதேபோல் நீரஜ் சோப்ரா தங்கம் வென்றவுடன் ராணுவ வீரர்கள் இதனை கொண்டாடி தீர்த்தனர். ''ஒலிம்பிக்கில் சுபேதார் நீரஜ் சோப்ராவின் தங்க வெற்றி இந்திய இராணுவத்திற்கு பாராட்டுக்களைத் தருகிறது" என்று இராணுவம் அவரை பாராட்டியது. இதேபோல் பாதுகாப்பு துறை ராஜ்நாத் சிங்கும் நீரஜ் சோப்ராவை வெகுவாக பாராட்டியுள்ளார்.

ராஜ்நாத் சிங் பாராட்டு

''ஒலிம்பிக்கில் சுபேதார் நீரஜ் சோப்ராவின் பொன்னான வெற்றி இந்திய இராணுவத்திற்கு பாராட்டுக்களைத் தருகிறது. அவர் ஒலிம்பிக்கில் ஒரு உண்மையான சிப்பாய் போல் நடித்தார். இந்திய ஆயுதப்படைகள் உட்பட முழு நாட்டிற்கும் இது ஒரு வரலாற்று மற்றும் பெருமைமிக்க தருணம்! அவருக்குப் பல வாழ்த்துக்கள்'' என்று பாதுகாப்பு துறை அமைச்சர் ராஜ்நாத் சிங் டுவிட்டரில் பாராட்டியுள்ளார்.

எம்.எம் நரவனே

மேலும் இந்திய இராணுவத் தளபதி ஜெனரல் எம்.எம் நரவனே மற்றும் இந்திய இராணுவத்தின் அனைத்து பிரிவுகளும் தங்கம் வென்ற நீரஜ் சோப்ராவுக்கு வாழ்த்துகள் தெரிவித்துள்ளனர். நாட்டின் அரசியல், விளையாட்டு, சினிமா பிரபலங்களும் நீரஜ் சோப்ராவுக்கு வாழ்த்து தெரிவித்து வருவது குறிப்பிடத்தக்கது.

Published On August 7, 2021