பிரியாணியை ஓவர்டேக் செய்த பர்கர்.. மனசு மாறிய இந்தியர்கள்! டேட்டாவை பாருங்க
டெல்லி: ஐபிஎல் 2026 சீசன் இறுதி கட்டத்தை எட்டியுள்ள நிலையில், மைதானத்திற்கு வெளியே ரசிகர்களின் உணவு ஆர்டர் செய்யும் பழக்கத்தில் ஏற்பட்டுள்ள அதிரடி மாற்றங்கள் குறித்த சுவாரசியமான தகவல்கள் வெளியாகியுள்ளன.
ஜியோ ஹாட்ஸ்டார் செயலியில் நேரலையாகப் மேட்ச் பார்த்துக் கொண்டிருக்கும்போதே, ஸ்கிரீனை விட்டு வெளியேறாமல் உணவை ஆர்டர் செய்யும் "In-app ordering" வசதியை அறிமுகப்படுத்தப்பட்டிருந்தது. இதனை JioHotstar மற்றும் Swiggy ஆகிய நிறுவனங்களின் கூட்டணி உருவாக்கியிருந்தது.
இந்நிலையில், இப்படி ஆர்டர் செய்தவர்களில் பலரும், பிரியாணியை விட பர்கருக்குதான் அதிக முக்கியத்துவம் கொடுத்திருக்கிறார்கள். இது தொடர்பான டேட்டா தற்போது வெளியாகியுள்ளது. இத்தனை காலமும் ஐபிஎல் சீசனில் பிரியாணி தான் முதலிடத்தில் இருந்தது. ஆனால், இந்த முறை பர்கர் அதனை முந்தி முதலிடத்தைப் பிடித்துள்ளது.
வினோதமான ஆர்டர்கள்
ஒரு நபர் ஒரே ஆர்டரில் 100-க்கும் மேற்பட்ட பர்கர்களை வாங்கியுள்ளார்.
மற்றொரு நபர் முழு சீசனிலும் 34 முறை ஆர்டர் செய்துள்ளார்.
ஒரு தனி நபர் ஒரே ஆர்டருக்கு ₹6,801 செலவிட்டுள்ளார்.
சலுகைகள் மூலம் ஒரு ரசிகர் ₹12,947 வரை சேமித்துள்ளார்.
மின்னல் வேக டெலிவரி: இந்த சீசனில் மிக வேகமான டெலிவரியாக, வெறும் 10 நிமிடங்கள் 42 விநாடிகளில் ஒரு வாடிக்கையாளருக்கு உணவு வழங்கப்பட்டுள்ளது.
முதலிடம் பிடிக்கும் அணிகள்: மும்பை இந்தியன்ஸ் (MI) விளையாடிய போட்டிகளில் தான் அதிகப்படியான உணவுகள் ஆர்டர் செய்யப்பட்டுள்ளன.
ஒரே போட்டியில் அதிக ஆர்டர்கள் வந்த நிகழ்வு: RCB vs RR மேட்ச்.
அதிகம் ஆர்டர் செய்த நகரங்கள்: ஹைதராபாத், பெங்களூரு மற்றும் டெல்லி. பாட்னா, புனே போன்ற சிறிய நகரங்களிலும் அதிக ஆர்வம் காணப்பட்டது.
தொழில்நுட்பக் கூட்டணி:
JioHotstar மற்றும் Swiggy இணைந்து நேரலை போட்டியின் போதே ஆப்பிற்குள் (In-app ordering) உணவு ஆர்டர் செய்யும் வசதியை அறிமுகப்படுத்தியது. "Match On, Munch On" என்ற பிரச்சாரம் மூலம் சுமார் 3.7 கோடி (37 Million) பார்வையாளர்கள் இந்த வசதியைப் பயன்படுத்தியுள்ளனர்.
Click it and Unblock the Notifications
Sign in with Google