இந்தியா ‛மேப்’பை கவனிச்சீங்களா? முதுகில் குத்திய இஸ்ரேல்? ஜம்மு காஷ்மீர் யாருக்கு? வெடித்த சர்ச்சை

டெல்லி: இஸ்ரேல் தனது இணையதளத்தில் பதிவேற்றிய இந்தியா தொடர்பான வரைபடத்தில் ஜம்மு காஷ்மீர் யாருக்கு சொந்தம்? என்பதில் கடும் சர்ச்சை எழுந்தது. இதையடுத்து கடும் எதிர்ப்பு கிளம்பிய நிலையில் இஸ்ரேல் இணையதளத்தில் இருந்து இந்தியாவின் வரைபடம் நீக்கப்பட்டது.

காசாவின் ஹமாஸ் அமைப்புக்கு எதிரான இஸ்ரேல் போர் தொடங்கி ஓராண்டை நெருங்கி விட்டது. இந்த போருக்கு நடுவே தான் இஸ்ரேல் - லெபனானின் ஹிஸ்புல்லா அமைப்பினர் இடையேயான மோதல் என்பது தொடங்கியது. தற்போது இந்த மோதல் என்பது இஸ்ரேல் - ஈரான் மோதலாக உருவாகி உள்ளது.

இஸ்ரேல் நாட்டுடன் ஈரான் நேரடியாக எல்லையை பகிர்ந்து கொள்ளவில்லை. இருப்பினும் கூட ஈரான் தற்போது நேரடியாக களமிறங்கி உள்ளது. ஈரான் 180 முதல் 200 ஏவுகணைகளை இஸ்ரேல் தலைநகர் டெல்அவிவ் நோக்கி ஏவி தாக்குதல் நடத்தியது. இதனால் தற்போது இந்த மோதல் என்பது மத்திய கிழக்கு நாடுகள் முழுவதும் பரவும் அச்சம் ஏற்பட்டுள்ளது.

இந்த போர் நடவடிக்கை மற்றும் மோதலுக்கு நடுவே நம் நாடு தொடர்ந்து இஸ்ரேலுக்கு ஆதரவாக செயல்பட்டு வருகிறது. பயங்கரவாத சக்திகளுக்கு எதிரான நிலைப்பாட்டில் நம் நாடு தொடர்ந்து உறுதியாக உள்ளது. அந்த வகையில் இஸ்ரேலுக்கு நம் நாடு ஆதரவு தெரிவித்து வருகிறது.

இத்தகைய சூழலில் தான் இன்று பெரிய விவாதம் கிளம்பியது. இதற்கு இஸ்ரேலின் அதிகாரப்பூர்வ இணையதள பக்கத்தில் நம் நாட்டின் வரைபடத்தை தவறாக பதிவிட்டதே காரணமாகும். அதாவது இஸ்ரேலின் இணையதள பக்கத்தில் நாடுகளின் வரைபடங்கள் பதிவேற்றம் செய்யப்பட்டு இருந்தன. அதில் நம் நாட்டின் வரைபடம் தவறாக பதிவேற்றம் செய்யப்பட்டு இருந்தது. ஜம்மு காஷ்மீர் நம் நாட்டுக்கு சொந்தமானது.

ஆனால் ஜம்மு காஷ்மீர் பாகிஸ்தானுக்கு சொந்தம் என்பது போல் இந்தியாவின் ‛மேப்' இஸ்ரேலின் இணையதளத்தில் பதிவேற்றம் செய்யப்பட்டது. இது சமூக வலைதளங்களில் பெரும் விவாதத்தை கிளப்பியது. பலரும், ‛‛இந்தியா தொடர்ந்து இஸ்ரேலுக்கு துணையாக நிற்கிறது. ஆனால் இஸ்ரேல், இந்தியாவுக்கு ஆதரவாக நிற்கிறதா?. இந்தியா விவகாரம் வரும்போது ஜம்மு காஷ்மீரில் கவனம் செலுத்த வேண்டும்'' என கூறினர்.

இதை உடனடியாக கவனித்த இந்தியாவுக்கான இஸ்ரேல் தூதர் ருவன் அசார், ‛‛இது இணையதள எடிட்டரின் தவறு. தவறை கவனித்து கூறியதற்கு நன்றி. தவறான இந்த படம் நீக்கப்பட்டுள்ளது'' என்று பதிலளித்தார். இதையடுத்து இந்த சர்ச்சை என்பது முடிவுக்கு வந்தது என்பது குறிப்பிடத்தக்கது.

English summary

Israel took down a map of India that incorrectly depicted a part of Jammu and Kashmir in Pakistan on the country's official website following a massive backlash on social media.