என் பிரெண்ட போல யாரு மச்சான்.. இந்தியாவுக்கு இஸ்ரேல் சொன்ன சூப்பர் #friendshipday வாழ்த்து

டெல்லி: இன்று உலகம் முழுவதும் நண்பர்கள் தினம் கொண்டாப்படும் நிலையில் இஸ்ரேல் சார்பில் ஷோலே படத்தில் இடம்பெற்ற "யே தோசி டீ" பாடலின் பின்னணி இசையுடன் இந்தியாவுக்கு வாழ்த்து தெரிவிக்கப்பட்டுள்ளது. இதை பார்த்து நெகிழ்ந்த பிரதமர் நரேந்திர மோடியும் பதிலுக்கு வாழ்த்து தெரிவித்துள்ளார்.

ஒவ்வொரு ஆண்டும் ஆகஸ்ட் முதல் ஞாயிற்றுக்கிழமை நண்பர்கள் தினமாக உலகம் முழுவதும் கொண்டாடப்படுகிறது. இதை முன்னிட்டு நண்பர்கள் பலரும் தங்களது நண்பர்களுக்கு வாழ்த்துக்களை தெரிவித்து வருகிறார்கள்.

இதை முன்னிட்டு இந்தியாவில் உள்ள இஸ்ரேல் தூதரகத்தின் ட்விட்டர் பக்கத்தில் அந்நாட்டு பிரதமர் பெஞ்சமின் நேதன்யாகு சார்பில், வாழ்த்து கூறப்பட்டுள்ளது.

Happy #FriendshipDay2019 India!

May our ever strengthening friendship & #growingpartnership touch greater heights.
🔊🎧🎶 ये दोस्ती हम नहीं तोड़ेंगे..... 🇮🇱❤🇮🇳 pic.twitter.com/BQDv8QnFVj

— Israel in India (@IsraelinIndia) August 4, 2019

அந்த வாழ்த்தில் பிரதமர் மோடியும், இஸ்ரேல் பிரதமர் பெஞ்சமின் நேதன்யாகுவும் சந்தித்துக் கொண்ட புகைப்படங்களின் தொகுப்பு இடம் பெற்றுள்ளது. அந்த வீடியோவுக்கு பின்னணி இசையாக ஷோலே படத்தில் உள்ள யே தோசி டீ என்ற பாடலின் இசை ஒலிக்கிறது. அந்த வீடியோவுடன் எங்களுடைய வளர்ந்து வரும் வலிமையான நட்பால் எங்களிடையே பார்டனர்ஷிப் இன்னும் அதிக உயரங்களை தொடும் என தெரிவிக்கப்பட்டுள்ளது.

இந்த வீடியோ ட்வீட்டை பார்த்து நெகிழ்ந்த பிரதமர் மோடி, இஸ்ரேல் பிரதமருக்கு பதிலுககு வாழ்த்து தெரிவித்துள்ளார்.

English summary

israel says happy friendship day wishes to india by shole music with pm modi and israeli pm pics