தீபாவளி நேரத்தில் இது சரியா.. கொஞ்சமாவது உணர்ச்சி இருக்கிறதா?.. ராகுல் காந்தி கேள்வி

Updated: Wednesday, November 3, 2021, 18:30 [IST]

Subscribe to Oneindia Tamil

டெல்லி: தீபாவளி நேரத்தில் விலைவாசி உச்சத்தில் இருப்பது குறித்து காங்கிரஸ் எம்பி ராகுல் காந்தி கேள்வி எழுப்பி உள்ளார்.

இந்தியாவில் பல்வேறு அத்தியாவசிய பொருட்களின் விலை தொடர்ந்து அதிகரித்து வருகிறது. பெட்ரோல் டீசல் விலைவாசி உயர்வு காரணமாக தினமும் அத்தியாவசிய பொருட்களின் விலை உயர்ந்து வருகிறது.

பெட்ரோல், டீசல் விலை உயரும் போது பொதுவாகவே சரக்கு வாகனங்களின் போக்குவரத்து செலவு அதிகரிக்கும். இது விலைவாசி உயர்வை ஏற்படுத்தும்.

வாகனங்கள்

இதனால் தற்போது காய்கறிகள், மளிகை பொருட்களின் விலை உச்சத்தை தொட்டுள்ளது. சமையல் எரிவாயு சிலிண்டர் விலையும் உயர்ந்துள்ளது. இதனால் ஹோட்டல்களிலும் உணவுகளின் விலை உயர்ந்துள்ளது. கொரோனா காலத்தில் மக்கள் பொருளாதார ரீதியாக கஷ்டப்பட்டு வரும் நிலையில் விலைவாசி உயர்வு மக்களுக்கு சிரமத்தை ஏற்படுத்தி உள்ளது.

பெட்ரோல், டீசல் விலை

கடந்த 7 நாட்களாக உயர்ந்து வந்த பெட்ரோல், டீசல் விலை இன்று மாறாமல் தொடர்ந்து உச்சத்தில் இருந்தது. டெல்லி பெட்ரோல் விலை லிட்டருக்கு 110.04 ரூபாய்க்கும், மும்பையில் 115.85 ரூபாய்க்கும், சென்னையில் 106.66 ரூபாய்க்கும் விற்பனை செய்யப்படுகிறது. டெல்லியில் டீசல் 99.95 ரூபாய்க்கு விற்கப்படுகிறது. சென்னையில் டீசல் 102.95 ரூபாய்க்கு விற்கப்படுகிறது. மும்பையில் டீசல்107.53 ரூபாய்க்கு விற்கப்படுகிறது.

கண்டனம்

தீபாவளி நேரத்தில் விலைவாசி உச்சத்தில் இருப்பது குறித்து காங்கிரஸ் எம்பி ராகுல் காந்தி கேள்வி எழுப்பி உள்ளார். அவர் செய்துள்ள ட்வீட்டில், இது தீபாவளி நேரம். விலைவாசி உயர்வு என்பது ஜோக் கிடையாது. விலைவாசி உயர்வு மிகப்பெரிய உச்சத்தை தொட்டுள்ளது. பிரதமர் மோடியின் அரசுக்கு இந்த மக்கள் மீது கொஞ்சமாவது உணர்ச்சி இருக்கும் என்று நினைக்கிறேன், என்று குறிப்பிட்டுள்ளார்.

விமர்சனம்

நாடு முழுக்க மக்களின் வருமானம் அதிகரித்து உள்ளது இதனால் விலைவாசி உயர்வை பற்றி மக்கள் யாரும் குற்றம் சொல்லவில்லை. வருமான உயர்வை நீங்கள் ஏற்றுக்கொண்டால் இதையும் ஏற்றுக்கொள்ள வேண்டும். அரசால் திட்டங்களை இலவசமாக வழங்க முடியாது. என்று மத்திய பிரதேச பஞ்சாயத்து மற்றும் ஊரக வளர்ச்சித்துறை அமைச்சர் மகேந்திர சிங் சிசோடியா தெரிவித்து இருந்தார். இந்த நிலையில்தான் விலைவாசி உயர்வு குறித்து காங்கிரஸ் எம்பி ராகுல் காந்தி கேள்வி எழுப்பி உள்ளார்.