இதையேதான் அர்ஜென்டினா போனப்பவும் போட்டுப் போனாங்க இவாங்கா.. விலையே கேட்டாலே கிர்ருங்குதே

Updated: Monday, February 24, 2020, 21:33 [IST]

Subscribe to Oneindia Tamil

டெல்லி: அமெரிக்க அதிபர் டொனால்ட் டிரம்பின் மகள் இவான்கா டிரம்ப் ஏற்கெனவே அணிந்த ஆடையை அணிந்திருந்தார். அதன் மதிப்பு ரூ 1.7 லட்சமாம்.

உடையின் நிறுவனம்

இந்த உடை குறித்து தகவல்கள் வெளியாகியுள்ளன. இந்தியாவுக்கு இவான்கா 2ஆவது முறையாக வருகை தந்துள்ளார். அவர் அணிந்திருக்கும் உடையின் ப்ரோவன்சா ஸ்கொலர் நிறுவனத்தினுடையதாகும். இந்த நிறுவனம் முன்பு லைப்ஸ்டைலின் பிராண்ட் நிறுவனமாக இருந்தது. வி நெக் கொண்ட இந்த உடையில் டை கட்டப்பட்டிருக்கும்.

வித்தியாசம்

இதே ஆடையை இவான்கா கடந்த 2019-ஆம் ஆண்டு அர்ஜென்டினா பயணத்தின் போதும் அணிந்திருந்தார். கடந்த ஆண்டு செப்டம்பர் மாதம் அர்ஜென்டினா சென்றார். இந்த ஆடையின் மதிப்பு இந்திய அளவில் ரூ 1.7 லட்சம் ஆகும். கடந்த முறை இந்த ஆடையை அணிந்திருந்த இவான்கா, பேபி ப்ளூ நிறத்தினாலான காலணிகளை அணிந்திருந்தார். பாப் முடி அலங்காரம் செய்திருந்தார். ஆனால் இந்த முறை வித்தியாசமாக இருந்தார்.

இவான்கா

அதாவது சிகப்பு நிற காலணியையும் விரித்து விட்ட நீளமான முடியையும் , காதணியையும் அணிந்திருந்தார். அர்ஜென்டினாவுக்கு அணிந்திருந்த உடையையே இந்தியாவுக்கு வந்த இவான்கா அணிந்திருப்பதன் மூலம் அந்த நிறுவன ஆடையின் நிலைப்பு தன்மை குறித்த அனைவரின் கவனத்தையும் ஈர்த்தார். ஆடைகளை தேர்வு செய்வதில் இவான்கா வல்லவர்.

பிரிட்டிஷ் வடிவமைப்பாளர்

இதேபோல் நடிகர் ஜாக்குவின் பீனிக்ஸ் ஸ்டெல்லா மெக்கார்ட்டினி டக்ஸ் நிறுவனத்தின் ஆடையை கோல்டன் குளோப் விருது வழங்கும் விழாவில் அணிந்த நிலையில் இனி ஒவ்வொரு விருது வழங்கும் விழாவுக்கு இதே ஆடையை அணிந்து வருவேன் என தெரிவித்துள்ளது குறிப்பிடத்தக்கது. இவரது ஆடை கடந்த 2001ஆம் ஆண்டு பிரிட்டிஷ் வடிவமைப்பாளரால் தயார் செய்யப்பட்டது.