JEE advanced results: ஜேஇஇ தேர்வு முடிவுகள் வெளியானது.. முதல் 55 இடங்களை மாணவர்களே பிடித்தனர்! அட!

டெல்லி: ஐஐடி கவுஹாந்தி இன்று ஜேஇஇ அட்வான்ஸ்டு 2023 நுழைவுத்தேர்வு முடிவுகளை வெளியிட்டது. இதில் ஹைதராபாத் மாணவர் முதலிடம் பெற்றுள்ளார். முதல்வர் 55 இடங்களை மாணவர்களே பிடித்துள்ளனர்.

நாடு முழுவதும் உள்ள ஐஐடி கல்வி நிறுவனங்களில் பொறியியல் கல்வி பயில்வதற்காக ஜேஇஇ நுழைவுத்தேர்வு நடத்தப்படுகிறது. ஒவ்வொரு ஆண்டும் ஐஐடி கல்வி நிறுவனங்கள் சுழற்சி முறையில் இத்தேர்வை நடத்துகின்றன. இந்த ஆண்டு ஜே இ இ நுழைவுத்தேர்வை ஐஐடி கவுகாத்தி நடத்தியது.

கடந்த ஜனவரி மாதம் நடைபெற்ற ஜே இ இ மெயின்ஸ் தேர்வுகளை எழுத 6.03 லட்சம் மாணவர்கள், 2.56 லட்சம் மாணவிகள், 3 திருநங்கைகள் என மொத்தம் 8.60 லட்சம் பேர் பதிவு செய்திருந்தனர். இந்தியாவில் 290 நகரங்கள், வெளிநாடுகளில் 18 நகரங்களில் நடந்த இத்தேர்வை 8.24 லட்சம் பேர் எழுதினர். இதில் தேர்ச்சி பெற்றவர்கள் கடந்த ஜூன் 4ஆம் தேதி நடைபெற்ற ஜே.இ.இ அட்வான்ஸ்டு தேர்வை எழுதினர்.

ஜே.இ.இ. அட்வான்ஸ்டு 2023 தேர்வு கடந்த ஜூன் 4ஆம் தேதி இரண்டு தாள்களாக நடைபெற்றது. இதை சுமார் 1 லட்சத்து 80 ஆயிரம் மாணவ மாணவிகள் எழுதினர். இதனை தொடர்ந்து கடந்த ஜூன் 11ஆம் தேதி இந்த தேர்வுக்கான விடைக்குறிப்புகள் வெளியானது. இந்நிலையில் இன்று ஜே.இ.இ. அட்வான்ஸ்டு தேர்வு முடிவுகள் வெளியாகியுள்ளன.

ஜேஇஇ அட்வான்ஸ்டு நுழைவுத்தேர்வில் கலந்து கொண்ட மாணவர்கள் jeeadv.ac.in என்ற இணையதளத்தில் மதிப்பெண்களை சரிபார்த்துக் கொள்ளலாம் என தெரிவிக்கப்பட்டுள்ளது. இணையதளத்தில் மாணவர்கள் தங்கள் பதிவு எண், பிறந்த தேதி ஆகிய விவரங்களை பதிவு செய்து, தேர்வு முடிவுகளை டவுன்லோட் செய்து கொள்ளலாம். இறுதி விடைத்தாள் விவரங்களும் வெளியாகியுள்ளது.

தேசிய அளவிலான இந்த நுழைவுத்தேர்வில் ஐஐடி ஐதராபாத் மண்டலத்தைச் சேர்ந்த வவிலாலா சித்விலாஸ் ரெட்டி என்பவர், 360க்கு 341 மதிப்பெண்கள் பெற்று அகில இந்திய அளவில் முதலிடம் பிடித்துள்ளார். முதல் 10 இடங்களை பிடித்துள்ளவர்களில் 6 பேர் ஹைதராபாத் மண்டலத்தைச் சேர்ந்தவர்கள்.

பெண்களைப் பொருத்தவரை, ஹைதராபாத் மண்டலத்தைச் சேர்ந்த நயாகாந்தி நாக பவ்யா ஸ்ரீ 298 மதிப்பெண்களுடன் முதலிடம் பிடித்துள்ளார். இவர் அகில இந்திய அளவில் 56வது இடத்தை பிடித்துள்ளார். இந்த அண்டு ஹைதராபாத் மண்டலத்தில் இருந்து அதிக அளவிலான மாணவர்கள் தேர்ச்சி பெற்றுள்ளனர்.

English summary

JEE Advanced 2023 results: Vavilala Chidvilas Reddy from the Hyderabad zone has achieved AIR 1 in JEE Advanced 2023 exam with a score of 341/360 marks. Nayakanti Naga Bhavya Sree, who scored 298/360, has been declared as the female topper this year.