நிதித்துறையை நழுவவிடுகிறாரா நிர்மலா சீதாராமன்.. மத்திய அமைச்சரவையில் வரப்போகும் அதிரடி மாற்றம்!

Updated: Sunday, January 19, 2020, 15:04 [IST]

Subscribe to Oneindia Tamil

டெல்லி: புதிய அபிவிருத்தி வங்கித் தலைவர் கே வி காமத் மற்றும் மாநிலங்களவை நாடாளுமன்ற உறுப்பினர் ஸ்வபன் தாஸ்குப்தா ஆகியோரை தனது அமைச்சரவையில் பிரதமர் மோடி சேர்க்கக்கூடும் என்று ஐஏஎன்எஸ் செய்தி நிறுவனம் செய்தி வெளியிட்டுள்ளது.

72 வயதான காமத், நிதி அமைச்சகத்திற்கான இணை அமைச்சராக (MoS) வாய்ப்பு உள்ளதாகவும், 64 வயதான தாஸ்குப்தா மனிதவள மேம்பாட்டு (HRD) துறை அமைச்சகத்தின் இணை அமைச்சராக MoS ஆக மாறக்கூடும் என்று அந்த நிறுவனம் தனது செய்தியில் குறிப்பிட்டுள்ளது.

மோடி அரசாங்கம் தனது இரண்டாவது பதவிக்காலத்தின் கிட்டத்தட்ட எட்டு மாதங்களை நிறைவு செய்துவிட்டது. இந்த நிலையில், அமைச்சரவையின் முதல் பெரிய மறுசீரமைப்பு மற்றும் புதிதாக அமைச்சர்களாக வரப்போகிறார்கள் என்று ஊகங்களாக செய்திகள் வெளியாகி வருகின்றன.

அமைச்சரவை விரிவாக்கம்

இந்நிலையில . நாடாளுமன்றத்தின் வரவிருக்கும் பட்ஜெட் கூட்டத்தொடருக்குப் பிறகு மத்திய அமைச்சரவை விரிவாக்கம் இருக்கும் எதிர்பார்க்கப்படுகிறது. பிரதமர் மோடி தலைமையிலான மத்திய அமைச்சரவையில் தொழில்நுட்ப நிபுணத்துவம் பெற்றவர்களின் எண்ணிக்கை குறைவு என்ற பரவலான கருத்து உள்ளது.

நிதியமைச்சராகலாம்

இந்த நிலையில் காமத் மற்றும் தாஸ்குப்தா ஆகியோர் மத்திய அமைச்சரவையில் சேர்க்கப்பட உள்ளதாக தகவல்கள் வந்துள்ளது. காமத் தற்போது ஷாங்காயை தலைமையிடமாகக் கொண்ட பிரிக்ஸ் வங்கி என்று அழைக்கப்படும் புதிய மேம்பாட்டு வங்கியின் தலைவராக உள்ளார். முன்னதாக ஐசிஐசிஐ வங்கி மற்றும் இன்போசிஸின் தலைவராக இருந்தார். காமத் காலப்போக்கில் மத்திய நிதி அமைச்சராகவும் வாய்ப்பு உள்ளதாகவும் ஐஎன்எஸ் செய்தி நிறுவனம் சுட்டிக்காட்டி உள்ளது.

பலவீனமான நிலை

ஜூலை-செப்டம்பர் காலாண்டில் இந்தியாவின் மொத்த உள்நாட்டு உற்பத்தி (ஜிடிபி) வளர்ச்சி 26 காலாண்டில் 4.5 சதவீதமாக இருந்தது. ஆண்டின் இரண்டாம் பாதியில் மீட்பு கிடைக்கும் என்று மத்திய அரசு இன்னும் நம்பிக்கையுடன் இருக்கும்போது, பல வெளி நிறுவனங்கள் அதன் நம்பிக்கையைப் பகிர்ந்து கொள்ளவில்லை, இந்திய ரிசர்வ் வங்கி (ஆர்பிஐ) கூட 2019-20க்கான வளர்ச்சி கணிப்பை 2019-20 முதல் 5 சதவீதமாகக் குறைத்துள்ளது இதற்கு முன்பு 6.1 சதவீதம் ஆக இருந்தது எனவே நிதியமைச்சகத்தில் காமத் இணையமைச்சராக நியமிக்கப்படுவதற்கான காரணத்தை ஐஎன்எஸ் செய்தி நிறுவனம் குறிப்பிட்டுள்ளது.

மத்திய பல்கலைக்கழகங்கள்

வலதுசாரி சித்தாந்தவாதியான தாஸ்குப்தா, நிர்வாகத்தில் சிறப்பாக செயல்படக்கூடியவராக நீண்டகாலமாகக் அறியப்படுகிறார், 2019 மக்களவைத் தேர்தலின் போது மேற்கு வங்கத்தின் பாஜக பிரிவில் அவர் பணியாற்றினார். தற்போத அனைத்து முக்கிய மத்திய பல்கலைக்கழகங்களும் வளாகங்களில் அமைதியின்மை ஏற்பட்டுள்ளது. மனிதவள மேம்பாட்டு அமைச்சகம் சமீபத்திய வாரங்களில் பெரிய அளவில் முற்றுகைகளை சந்தித்துள்ளது. இதன் காரணமாக தாஸ்குப்தா, மத்திய மனிதவளமேம்பாட்டு துறை இணை அமைச்சராக பதவி ஏற்கக்கூடும் என்று கூறப்படுகிறது.

நிபுணத்துவம்

நிபுணத்துவம் பெற்றவர்களின் எண்ணிக்கையை மத்திய அமைச்சரவையில் உயர்த்த மத்திய அரசு விரும்பினால் நிதி ஆயோக் தலைமை நிர்வாக அதிகாரி அமிதாப் காந்தும் அமைச்சரவையில் இடம் பெற வாய்ப்பு உள்ளதாக ஐ.ஏ.என்.எஸ் செய்தி நிறுவனம் தெரிவித்துள்ளது, அதே நேரத்தில் சுரேஷ் பிரபுவுக்கு வாய்ப்பும் இருப்பதாக சொல்லப்படுகிறது. இவர் வர்த்தக மற்றும் தொழில் மற்றும் ரயில்வே அமைச்சராக கடந்த மோடி ஆட்சியில் பணியாற்றி இருக்கிறார்.