20 லட்சம் கோடிப்பே.. அதுல எத்தனை "முட்டை" இருக்கு தெரியுமா.. இதுதாங்க டிரெண்டிங் இப்போ!

சோஷியல் மீடியாவில் 20 லட்சம் கோடி எண்கள் டிரெண்டாகி வருகிறது

டெல்லி: இதையெல்லாம் கூட இப்ப டிரெண்டிங் ஆக்க ஆரம்பிச்சுட்டாங்க பாருங்க. பிரதமர் நரேந்திர மோடி ரூ. 20 லட்சம் கோடி என்று அறிவித்தாரே.. அதை வைத்து இப்போது டிரண்டிங் ஆக்கி விட்டனர்.

எதை டிரண்ட் ஆக்கியுள்ளனர் தெரியுமா.. அந்த 20 லட்சம் கோடியில் எத்தனை சைபர் இருக்கிறது என்பதுதான் அந்த தேடல். ஆமா, கூகுளில் இதைத்தான் அதிகம் பேர் தேடியுள்ளனர்.

ஒரு லட்சம் ரூபாயில் எத்தனை சைபர் இருக்கு என்றே பலருக்கு தெரியாது. இந்த நிலையில் 20 லட்சம் கோடி என்று சொல்லி விட்டு போய் விட்டார் பிரதமர்.. அவ்வளவுதான் பாதி ஜனம் அப்படியே நிலை குலைஞ்சு போயிருச்சு.. இவ்வளவு பெரிய பணமா என்று பலரும் வாயைப் பிளந்து விட்டனர். பரவாயில்லையே பிரதமர் அதிரடியாக களம் இறங்கி விட்டாரே என்றும் பலருக்கு குஷிதான்.

ஆனால் முதல்ல இந்த 20 லட்சம் கோடி ரூபாயில் எத்தனை சைபர் இருக்குன்னு பார்ப்போம் என்று ஒரு குரூப் கிளம்பி விட்டது. நெட் முழுக்க அவர்கள் தேடித்தேடி அதை இப்போது வைரலாக்கி விட்டனர்.

உண்மையில் இது எதிர்பாராத தேடல்தான். பலருக்கும் இந்த நம்பரை எப்படி எழுதுவது என்பதில் தடுமாற்றம் வரத்தான் செய்யும். எனவேதான் கூகுளில் போய் தேடியுள்ளனர். சரி உங்களுக்காவது விடை தெரியுமா.. 20 லட்சம் கோடியில் மொத்தம் 13 சைபர்கள் உள்ளன. அதாவது.. 20,000,000 000,000 .. இதுதான் அந்த 20 லட்சம் கோடி. இதைத்தான் பலரும் கூகுளில்தேடி கண்டுபிடித்துள்ளனர்.

அதாவது ஆயிரம் ரூபாய்க்கு மொத்தம் 3 சைபர் வரும். அதுவே பத்தாயிரம் என்றால் 4 சைபர், 1லட்சம் என்றால் 5 சைபர், பத்து லட்சம்னா 6 சைபர், ஒரு கோடி என்றால் 7 சைபர், 10 கோடி என்றால் 8 சைபர், 100 கோடி என்றால் 9 சைபர் வரும். 1000 கோடி என்று எடுத்துக் கொண்டால் அதற்கு ஒன்று போட்டு 10 சைபர் போட வேண்டும். இதுவே பத்தாயிரம் கோடி என்றால் 11 சைபர் வரும். ஒரு லட்சம் கோடிக்கு 12 சைபர் வரும். அப்படியானால் 10 லட்சம் கோடிக்கு.. கரெக்ட்.. 13 சைபர் வரும்.. நீங்க கணக்குல பாஸ் ஆயிட்டீங்க!!

நம்ம ஊரில்தான் இதை 20 லட்சம் கோடி என்று இழுத்துப் பிடித்துச் சொல்கிறோம்.. இதுவே அமெரிக்காவாக இருந்தால் என்ன சொல்லியிருப்பார்கள் தெரியுமா.. "10 டிரில்லியன்".. அவ்வளவுதான்.. ரத்தினச் சுருக்கமா சொல்லிட்டுப் போயிட்டே இருப்பாங்க. நம்ம ஊர் நம்பர் முறையும், அமெரிக்கா உள்ளிட்ட நாடுகளில் கடைப்பிடிக்கப்படும் நம்பர் முறையும் வேறு வேறு என்பதால் இப்படி.

சரி அதை விடுங்க.. ஈஸியா கண்டுபிடிச்சாச்சு.. இதே 20 லட்சம் கோடி அமெரிக்க டாலரில் என்ன மதிப்பு தெரியுமா.. போய் கண்டுபிடிச்சு அதை டிரெண்டாக்கலாம் வாங்க.

English summary

lockdown: how many zeros in 20 lakh crore pm modis relief package