பிரஜ்வலால் பாதிப்பில்லை.. கர்நாடகாவில் பாஜக கூட்டணிக்கு 25 தொகுதிகள்: இந்தியா டுடே கணிப்பு

டெல்லி: லோக் சபா தேர்தல் 2024 முடிவுகள் வெளியாகி இருக்கும் நிலையில், இந்தியா டுடே - ஆக்சிஸ் மை இந்தியா நடத்திய தேர்தலுக்கு பிந்தைய கருத்து கணிப்பு முடிவுகளின் படி கர்நாடகாவில், பாஜக 23 முதல் 25 தொகுதிகளில் வெற்றி பெறும் எனவும், காங்கிரஸ் 3 முதல் 5 தொகுதிகளில் மட்டுமே வெல்லும் என கணித்துள்ளது.

இந்தியாவின் 18 வது மக்களவைக்கு 543 மக்களவை உறுப்பினர்களை தேர்ந்தெடுப்பதற்கான மக்களவைத் தேர்தல் ஏப்ரல் 19ஆம் தொடங்கி இன்று வரை ஏழு கட்டங்களாக நடைபெற்றது.

ஏழாம் கட்ட வாக்குப்பதிவு பீகார், உத்தரப்பிரதேசம் உள்ளிட்ட 8 மாநிலங்கள் யூனியன் பிரதேசத்தில் காலை 7:00 மணிக்கு தொடங்கி நிலையில் 6 மணிக்கு வாக்குப்பதிவு நிறைவு பெற்றது. இதையடுத்து வாக்குப்பதிவு இயந்திரங்கள் பலத்த பாதுகாப்புடன் சீல் வைக்கப்பட்டு வாக்கு எண்ணிக்கை மையங்களுக்கு கொண்டு செல்லப்பட்டது

இந்த நிலையில் தேர்தலுக்கு பிந்தைய கருத்துக் கணிப்பு முடிவுகள் வெளியாகி இருக்கிறது. அந்த வகையில் இந்தியா டுடே - ஆக்சிஸ் மை இந்தியா நிறுவனங்கள் இணைந்து நடத்திய கருத்து கணிப்பு முடிவுகள் வெளியாகியுள்ளது. இந்தியா டுடே-ஆக்சிஸ் மை இந்தியா கருத்துக்கணிப்பு 543 நாடாளுமன்றத் தொகுதிகளில் சுமார் 5.8 லட்சம் மக்களிடையே நடத்தப்பட்டது.

அந்நிறுவனம் வெளியிட்டுள்ள கருத்துக் கணிப்பின் படி கர்நாடகாவில், பாஜக கூட்டணி 23 முதல் 25 தொகுதிகளில் வெற்றி பெறும் எனவும், காங்கிரஸ் 3 முதல் 5 தொகுதிகளில் மட்டுமே வெல்லும் என கணித்துள்ளது. கர்நாடகாவில் உள்ள 28 தொகுதிகளில் பாஜக 25 தொகுதிகளை கடந்த முறை வென்றது குறிப்பிடத்தக்கது. மஜத 1 வென்றிருந்தது. இம்முறை தேவகவுடாவின் மஜத பாஜக கூட்டணியில் உள்ளது.

English summary

According to India Today - Axis My India's post-election poll results in Karnataka, the BJP is expected to win 23 to 25 seats while the Congress is expected to win only 3 to 5 seats.