டெல்லி ஹாட் சந்தையில் மிக பெரிய தீவிபத்து! சம்பவ இடத்திற்கு விரைந்த 13 தீயணைப்பு வாகனங்கள்!
டெல்லி: தலைநகர் டெல்லியில் அமைந்துள்ள புகழ்பெற்ற டில்லி ஹாட் சந்தையில் இன்றிரவு மிக பெரிய தீவிபத்து ஏற்பட்டுள்ளது. தீ விபத்து குறித்த தகவல் கிடைத்தவுடன் 13 தீயணைப்பு வாகனங்கள் சம்பவ இடத்திற்கு விரைந்துள்ளது. நல்வாய்ப்பாக இந்தத் தீவிபத்தில் உயிரிழப்பு எதுவும் ஏற்படவில்லை எனத் தகவல் வெளியாகியுள்ளது.
தெற்கு டெல்லி பகுதியில் அமைந்துள்ள புகழ்பெற்ற சந்தை டில்லி ஹாட் சந்தை.. தினசரி பல நூறு பேர் இந்தச் சந்தைக்குச் செல்வார்கள். இதற்கிடையே இந்தச் சந்தையில் எதிர்பாராத விதமாகத் தீவிபத்து ஏற்பட்டுள்ளது.
இரவு 9 மணியளவில் தீவிபத்து ஏற்பட்டதாகத் தகவல் வெளியாகியுள்ளது. தீ விபத்து குறித்த தகவல் கிடைத்தவுடன் 13 தீயணைப்பு வாகனங்கள் சம்பவ இடத்திற்கு விரைந்துள்ளன. நல்வாய்ப்பாக தீ விபத்தில் உயிரிழப்பு எதுவும் ஏற்படவில்லை என முதற்கட்டத் தகவல் வெளியாகியுள்ளது.
இருப்பினும், தீ விபத்தால் பல கடைகள் சேதம் அடைந்திருக்கலாம் என்று அஞ்சப்படுகிறது. இதில் சுமார் 25- 30 கடைகள் முழுமையாக எரிந்து நாசமாகியுள்ளதாகவும் கூறப்படுகிறது.
தீயை அமைக்கும் பணிகளில் தீயணைப்பு வீரர்கள் தீவிரமாக ஈடுபட்டுள்ளனர். இந்த தீ விபத்தில் அந்த இடம் முழுக்க புகை மூட்டம் சூழ்ந்துள்ளது.
Click it and Unblock the Notifications
Sign in with Google