Fashion: ஜிங்குசா ஜிங்குச்சா மஞ்சள் கலரு சட்டைதான்! இந்த சர்ட்டை எங்கேயோ பார்த்த மாதிரி இருக்கே!
டெல்லி: கைக்குட்டைகளை தைத்து சூப்பரான சட்டையை ஒருவர் போட்டுள்ளார். இந்த கைக்குட்டைகள் முற்றிலும் 100 சதவீதம் பருத்தியினால் ஆனதாம். இதன் மூலம் பழைய பொருளில் கூட பேஷனாக்கி அனைவரையும் கவரலாம் என தெரிகிறது.
ஃபேஷன் உலகில் புதுமைகள் எப்போதும் நிகழ்ந்துகொண்டே இருக்கின்றன. சில சமயம் முற்றிலும் புதிய யோசனைகள்தான் அடுத்த பெரிய டிரெண்டுகளாக மாறிவிடுகின்றன. பல புதிய ஸ்டைல்கள் வீட்டிலேயே செய்யப்படும் தனிப்பட்ட முயற்சிகளிலிருந்தும், அவற்றை ஆன்லைனில் மற்றவர்களுடன் பகிர்வதிலிருந்தும் உருவாகின்றன. வித்தியாசமான, வேடிக்கையான அல்லது சற்றே வழக்கத்திற்கு மாறான ஸ்டைல்கள் மக்களை எளிதாகக் கவர்வதுடன், உடனடியாக அனைவரின் கவனத்தையும் ஈர்க்கின்றன.
அந்த வகையில் அண்மையில் ஒரு வீடியோ வைரலானது. அதில் ஒருவர் சாதாரண பருத்தியினாலான கைக்குட்டைகளைக் கொண்டு ஒரு முழு சட்டையை உருவாக்கியதைக் காட்டினார். அந்த வீடியோவின் தொடக்கத்திலேயே, அவர் தனது பிரத்யேக பூ அச்சிடப்பட்ட கைக்குட்டை சட்டையை எப்படிச் செய்தார் என்பதை விளக்கினார்.
இந்த சட்டைக்கு வேடிக்கையான மற்றும் ஸ்டைலான தோற்றத்தைக் கொடுக்க, தனது சதுர வடிவ, பூ அச்சிடப்பட்ட (பழைய ஸ்டைல் கர்சீஃப்) கைக்குட்டைகளைப் பயன்படுத்தியதாக அவர் கூறினார். அவர் அந்த செயல்முறையை விளக்கினார்.
முதலில், கைக்குட்டைகளின் ஓரங்களை ஒன்றாகத் தைத்து நீண்ட துணித் துண்டுகளை உருவாக்கினார். பின்னர், அனைத்துப் பகுதிகளும் சரியாகப் பொருந்தவும், மேலும் அழகாகத் தோன்றவும் ஒவ்வொரு மடிப்பையும் கவனமாகத் தேய்த்தார்.
அடுத்து, அவர் இந்தத் துண்டுகளில் சட்டையின் வடிவத்தைத் துல்லியமாக வரைந்து, தேவையான பாகங்களை வெட்டினார். இந்த வெட்டும் பகுதி தனக்கு மிகவும் சுவாரஸ்யமாக இருந்ததாக அவர் குறிப்பிட்டார். எந்த பூவின் அச்சு சட்டையின் எந்தப் பகுதியில் வரும் என்று தெரியாதது, அதன் தனித்துவமான அழகை மேலும் அதிகரிப்பதாக அவர் கூறினார்.
சட்டையின் தோள்பட்டைப் பகுதியை (yoke) உருவாக்க, அவர் இரண்டு சதுர வடிவ கைக்குட்டைகளை இஸ்திரி செய்து, மடிப்புகளாக்கி ஒன்றாகத் தைத்தார். மேலும், மீதமிருந்த அலை அலையான (கைக்குட்டைகளில் ஓரங்களில் வளைவு வளைவாக இருக்கும்)ஓரங்களையும் பயன்படுத்தினார்.
அவற்றை மெல்லிய பட்டைகளாக வெட்டி, அடுக்கு அடுக்காகப் பொருத்தி, சட்டைக்கு ஒரு தனித்துவமான அமைப்புடன் கூடிய வடிவமைப்பு (textured design) கொடுத்தார். இது சட்டையின் தோற்றத்தை மேலும் அழகாக மாற்றியது.
சட்டையின் கைகளை பொறுத்தவரை, அவற்றை இரண்டாக வெட்டி, சிறிய துண்டுகளைச் செருகி ஒரு தனித்துவமான 'ஜன்னல்' பாணி வடிவமைப்பை உருவாக்கினார். கடைசியாக, கைகளில் 'கஃப்' (cuff) போன்ற விவரங்களையும் சேர்த்தார். தனது பருத்தி கைக்குட்டைகளைப் பயன்படுத்தி இந்த பழமையான ஸ்டைல் சட்டையை உருவாக்கியதாக அந்த வீடியோவில் அவர் குறிப்பிட்டிருந்தார்.
Click it and Unblock the Notifications
Sign in with Google