பஞ்சாப் நேஷனல் வங்கி மோசடி மன்னன் மெகுல் சோக்ஷி டொமினிகாவில் பிடிபட்டது எப்படி?

Updated: Thursday, May 27, 2021, 12:38 [IST]

Subscribe to Oneindia Tamil

டெல்லி: பிரபல வைர வியாபாரியான நீரவ் மோடியின் உறவினரான மெகுல் சோக்ஷி நேற்று டொமினிகாவில் கைது செய்யப்பட்டார். அவரை விரைவில் இந்தியாவிடம் ஒப்படைக்க நடவடிக்கை எடுப்பதாக ஆன்டிகுவா அரசு தெரிவித்துள்ளது.

நீரவ் மோடியும் மெகுல் சோக்ஷியும் இணைந்து பஞ்சாப் நேஷனல் வங்கியில் ரூ 13 ஆயிரம் கோடிக்கு மேல் கடன் பெற்றுக் கொண்டு கடனை திருப்பி செலுத்தாமல் வெளிநாடுகளுக்கு தப்பி சென்றுவிட்டனர்.

வங்கி மோசடி தொடர்பாக சிபிஐ, அமலாக்கப்பிரிவு, வருமான வரித் துறை உள்ளிட்டவை விசாரணையை மேற்கொண்டது. நீரவ் மோடி லண்டனில் வழக்கு விசாரணையை எதிர் கொண்டு வருகிறார்.

கரீபியன் தீவு

அதே நேரம் மெகுல் சோக்ஷி கரீபியன் தீவுகளில் ஒன்றான ஆண்டிகுவா நாட்டில் தலைமறைவாக உள்ளதாக தகவல்கள் வெளியாகின. அந்த நாட்டில் 2018ஆம் ஆண்டு அவர் குடியுரிமையையும் பெற்றுக் கொண்டார்.

நாடு கடத்தல்

தேடப்படும் நபர்களை நாடு கடத்தல் தொடர்பாக இந்தியா மேற்கொண்ட நாடுகளின் ஒப்பந்த பட்டியலில் ஆண்டிகுவா இல்லை. எனினும் அவரை நாடு கடத்துதல் தொடர்பான முயற்சிகளில் இந்திய விசாரணை முகமைகள் ஈடுபட்டுள்ளன.

பர்புடா

மெகுல் சோக்ஷிக்கு எதிராக ரெட் கார்னர் நோட்டீஸும் இண்டர்போல் விடுத்தது. இந்த நிலையில் ஆண்டிகுவாவில் இருந்த சோக்ஷி திடீரென அங்கிருந்து மாயமானதாக தகவல்கள் வெளியாகியுள்ளன. அதே போல் இவர் பர்புடாவில் இருப்பதாக தகவல் வந்த நிலையில் அங்கும் அவரை காணவில்லை.

மெகுல் சோக்ஷி

இந்த நிலையில் டொமினிகா தீவில் இருந்த சோக்ஷி நேற்று அதிரடியாக இன்டர்போல் போலீஸால் கைது செய்யப்பட்டார். இதுகுறித்து இன்டர்போல் போலீஸார் கூறுகையில் மெகுல் சோக்ஷி சுற்றி வளைக்கப்பட்டு டொமினிகாவில் கைது செய்யப்பட்டார்.

இந்தியா

அவர் ஆன்டிகுவா மற்றும் பர்புடாவிலிருந்து படகு மூலம் தப்பி டொமினிகா வந்துள்ளது தெரியவந்தது என்றனர். இந்தியாவுக்கு நாடு கடத்தல் மற்றும் அவரது குடியுரிமையை ரத்து செய்வது தொடர்பாக ஆன்டிகுவா மற்றும் பர்புடாவில் இரு பிரச்சினைகளை எதிர்கொண்டு வந்தார்.

கைது

அவர் ஆண்டிகுவா வீட்டில் காணவில்லை என அவரது வீட்டு பணியாளர் தகவல் சொன்னார். இதையடுத்து அவர் மாயமானது குறித்து ஆன்டிகுவா மற்றும் பர்புடா போலீஸார் இன்டர்போலுக்கு தகவல் தெரிவித்தனர். அவரை தேடும் பணிகள் தீவிரப்படுத்தப்பட்டன. இந்த நிலையில் அவர் டொமினிகாவில் கைது செய்யப்பட்டார்.