எவ்வளவு ஃப்ரீ டைம் கிடைக்குது பாருங்க.. ராமாயண நாடகத்தில் நடித்த மத்திய அமைச்சர் ஹர்ஷவர்த்தன்

டெல்லி: ராமலீலா நாடகத்தில் ஜனகர் மகாராஜா வேடத்தில் மத்திய அமைச்சர் ஹர்ஷவர்தன் நடித்தது மக்களை ஆச்சரியத்தில் ஆழ்த்தியுள்ளது.

நவாடு முழுவதும் நவராத்திரி விழா துவங்கி உற்சாகமாக கொண்டாடப்பட்டு வருகிறது. இந்த விழாவின் போது பல பகுதியில் ராம்லீலா நாடகம் நடத்தப்படுவது வழக்கம்.

அதன்படி டெல்லியில் செங்கோட்டையில் நடைபெற்ற லவகுசா ராம் லீலா நாடகத்தில் மத்திய அமைச்சர் ஹர்ஷவர்தன் சீதையின் தந்தையான ஜனகன் வேடத்தில் அவர் நடித்துள்ளார். நாடகத்தின் மீது இவர் கொண்ட பற்று அப்பகுதி மக்களை வியப்படைய செய்துள்ளது.

தசரா பண்டிகையை முன்னிட்டு, ஒவ்வொரு ஆண்டும் தலைநகர் டெல்லியில், ராமாயணத்தை விளக்கும் வகையில் லவகுசா ராம்லீலா நாடகம் நடத்தப்படுவது வழக்கமாகும். அந்த வகையில் வரும் 19 ஆம் தேதி தசரா பண்டிகை கொண்டாடப்பட உள்ள நிலையில், டெல்லியில் நடைபெற்ற ராம்லீலா நாடகத்தில், சீதையின் தந்தையான ஜனகன் வேடத்தில், மத்திய அமைச்சர் ஹர்ஷவர்த்தன் நடித்தார்.

#WATCH Union Minister Dr. Harshvardhan played the role of Raja Janak in Luv Kush Ram Leela in Old Delhi yesterday pic.twitter.com/XiL9oG53MA

— ANI (@ANI) October 13, 2018

இதுகுறித்து அவர் தனது டுவிட்டர் பக்கத்தில் பதிவிட்டுள்ளார். அதில் சீதா தேவியின் தந்தை ஜனகர் வேடத்தில் நடித்தது மகிழ்ச்சி அளிக்கிறது.டெல்லியில் உள்ள லவ குசா ராம்லீலா நாடகம் நடத்தப்பட்டது. சிறு வயதில் ராம்லீலா நாடகங்களை பார்த்துள்ளேன் என்று பதிவிட்டுள்ளார்.

இதற்காக அமைச்சர் மிகப்பெரிய மீசை வைத்திருந்தார். ஏராளமான மேக்கப் போட்டிருந்தார். பார்ப்பதற்கே அரசர் பரம்பரையை சேர்ந்தவர் போல் இருந்தார்.

English summary

The Environment Minister tried his hand in acting at the popular Ramleela depicting the life of Lord Rama organised by the Luv Kush committee as Janak.