இன்று முதல் ஆன்லைன் டெலிவரி கிடையாது.. ஸ்விக்கி, ஜோமட்டோ, அமேசான் ஊழியர்கள் 2 நாள் வேலைநிறுத்தம்

டெல்லி: நாடு முழுவதும் ஸ்விக்கி, ஜோமட்டோ, அமேசான், பிளிங்கிட் உள்பட பிற ஆன்லைன் டெலிவரி நிறுவனங்களில் பணியாற்றும் ஊழியர்கள் திடீரென்று வேலை நிறுத்தம் அறிவித்துள்ளனர். இதனால் இன்றும், டிசம்பர் 31ம் தேதியும் ஆன்லைனில் உணவு உள்பட பிற பொருட்கள் டெலிவரியில் பிரச்சனை ஏற்பட உள்ளது.

தற்போது வீட்டில் இருந்து கொண்டு ஆன்லைனில் ஆர்டர் செய்யும் பழக்கம் மக்களிடையே அதிகரித்து வருகிறது. பிடித்த உணவுகள் முதல் அணியும் ஆடைகள் வரை அனைத்தையும் வீட்டிலேயே இருந்து ஆர்டர் செய்து டோர்டெலிவரியாக வாங்கி வருகிறோம்.

இந்நிலையில் தான் திடீரென்று ஆன்லைன் டெலிவரி ஊழியர்கள் 2 நாள் வேலை நிறுத்த போராட்டத்தை அறிவித்துள்ளனர். அதன்படி கிறிஸ்துமஸ் தினமான இன்று முதல் அவர்கள் வேலை நிறுத்தத்தை தொடங்கி உள்ளனர். அதன்பிறகு டிசம்பர் 31ம் தேதியில் மீண்டும் வேலை நிறுத்தம் செய்வதாக அறிவித்துள்ளனர்.

இந்த வேலைநிறுத்தத்தில் ஸ்விக்கி, ஜோமட்டோ, அமேசான், பிளிங்கிட் உள்பட பிற ஆன்லைன் டெலிவரி ஊழியர்கள் ஈடுபட்டுள்ளனர்.

English summary

Gig workers working for online delivery companies across the country, including Swiggy, Zomato, Amazon, and Blinkit, have suddenly announced a strike. As a result, there will be disruptions in the delivery of food and other goods ordered online today and on December 31st.