விசுவாசிகளையே 6 மாதமாக பார்க்கவில்லை.. தனிக்கட்சி திட்டம் "இப்போது'' இல்லை.. அழகிரி தாறுமாறு பேட்டி!
டெல்லி: பாஜகவில் தான் இணைவதாக வெளியாகும் செய்திகள் பொய், தனிக்கட்சி தொடங்குவது குறித்து இப்போது திட்டம் எதுவும் இல்லை என்று மு.க அழகிரி வெளிப்படையாக அறிவித்துள்ளார்.
திமுகவின் முன்னாள் உறுப்பினர் அழகிரியின் அளித்த பேட்டி ஒன்று அந்த கட்சிக்குள் பெரிய பரபரப்பை ஏற்படுத்தி உள்ளது. மதுரையில் அழகிரி அளித்த பேட்டியில், 2021 சட்டமன்றத் தேர்தலுக்கு பின்னர் திமுகவின் நிலையை நீங்களே அறிந்து கொள்ளலாம். புதிய கட்சி தொடங்குவது, தேர்தலில் யாருக்கு ஆதரவு என்பது குறித்த விஷயங்களை ஆதரவாளர்களை பேசிவிட்டு முடிவு செய்வேன், என்று குறிப்பிட்டு இருந்தார்.
இதற்காக வரும் 20ம் தேதி இதற்காக அழகிரி தனது ஆதரவாளர்களை சந்திக்க உள்ளார். இந்த நிலையில் அழகிரி தனிக்கட்சி தொடங்குகிறாரோ என்று கேள்விகள் எழுந்தது.
அழகிரி
அதோடு அழகிரி பாஜகவில் இணைய வாய்ப்பு உள்ளதா என்றும் கேள்விகள் எழுந்தது. இந்த நிலையில் பாஜகவில் இணைவதாக வெளியாகும் செய்திகள் பொய். தனிக்கட்சி தொடங்குவது குறித்து இப்போது திட்டம் எதுவும் இல்லை என்று அழகிரி வெளிப்படையாக அறிவித்துள்ளார். தொடர் வதந்திகளுக்கு அழகிரி முற்றுப்புள்ளி வைத்துள்ளார்.
பேட்டி
இது தொடர்பாக மு.க அழகிரி சிஎன்என் - நியூஸ் 18 தொலைக்காட்சிக்கு அளித்துள்ள பேட்டியில், நான் பாஜகவில் சேர போவதாக வெளியாகும் செய்திகள் பொய். அப்படி எந்த யோசனையும் இல்லை. சிலர் வதந்திகளை பரப்புகிறார்கள்.
வதந்தி
நான் கட்சி தொடங்குவதாகவும் வதந்திகளை பரப்புகிறார்கள். நான் கட்சி தொடங்கினால் உங்களிடம் தெரிவிப்பேன். நான் எனது ஆதரவாளர்களிடம் கடந்த 6 மாதமாக பேசவே இல்லை. தீபாவளிக்கு கூட பேசவில்லை. அதெக்கெல்லாம் இன்னும் நாட்கள் இருக்கிறது.
சூழ்நிலை
நான் கட்சி தொடங்க சூழ்நிலைகள் இருந்தாலும், இப்போதைக்கு அப்படி திட்டம் எதுவும் இல்லை, என்று மு.க அழகிரி குறிப்பிட்டுள்ளார். இதன் மூலம் இப்போது கட்சி தொடங்கும் எண்ணம் எதுவும் இல்லை என்பதை உறுதியாக அறிவித்துள்ளார்.
தயாநிதி அழகிரி
இது தொடர்பாக அழகிரியின் மகன் தயாநிதி அழகிரி சிஎன்என் - நியூஸ்18 தொலைக்காட்சிக்கு அளித்துள்ள பேட்டியில், என் அப்பா பாஜகவில் சேருவதாக வரும் செய்திகள் பொய். என் அப்பா பாஜகவினருடன் பேசுவதாக வரும் செய்திகள் உண்மை இல்லை. எனக்கு தெரிந்து அப்படி எந்த மீட்டிங்கும் நடக்கவில்லை., என்று குறிப்பிட்டுள்ளார்.
Click it and Unblock the Notifications
Sign in with Google