குழந்தைகள் ஆபாச வீடியோக்கள், பெண்களின் பலாத்கார வீடியோக்கள் பதிவீடு.. ரூ 20 க்கு ட்விட்டரில் விற்பனை

Updated: Wednesday, September 21, 2022, 16:19 [IST]

Subscribe to Oneindia Tamil

டெல்லி: பாலியல் பலாத்காரம் செய்யப்படும் பெண்கள், குழந்தைகளின் ஆபாச வீடியோக்களை ட்விட்டரில் பதிவேற்றம் செய்யப்பட்டு அவை ரூ 20 க்கு விற்கப்படுகிறது.

பொதுவாக பாலியல் பலாத்காரம், பாலியல் சீண்டலால் பாதிக்கப்படும் குழந்தைகள், பெண்களின் புகைப்படங்களையோ அவர்களது அடையாளத்தையோ வெளிப்படுத்தக் கூடாது என்பது உச்சநீதிமன்றத்தின் விதியாகும்.

இந்த நிலையில் அவ்வாறு பாலியல் பலாத்காரம் செய்யப்படும் பெண்கள், குழந்தைகளின் வீடியோ ட்விட்டரில் பதிவேற்றம் செய்யப்பட்டுள்ள அதிர்ச்சி சம்பவம் நடந்துள்ளது.

பெண்கள்

இதுகுறித்து டெல்லியில் உள்ள பெண்கள் நலம் மற்றும் பாதுகாப்பு ஆணையத்தின் தலைவி ஸ்வாதி மலிவால் கூறுகையில், குழந்தைகள் மற்றும் பெண்களுக்கு எதிராக ஆபாச புகைப்படங்களும் பலாத்கார வீடியோக்களும் ட்விட்டரில் பதிவேற்றம் செய்யப்பட்டுள்ளன. இந்த வீடியோக்களில் குழந்தைகளும் பெண்களும் மிகவும் கொடூரமாக துன்புறுத்தப்படுகிறது.

வீடியோக்கள்

இவற்றில் சில வீடியோக்கள் குழந்தைகளும் பெண்களும் தூங்கும் போது அவர்களை பலாத்காரம் செய்வது போல் இருந்தது. இது போல் குற்றச் செயல்களில் சில ட்விட்டர்வாசிகள் இறங்கியுள்ளனர். இதை பார்க்கும் போது ஒரு பெரிய நெட்வொர்க்கே இருக்கும் என தெரிகிறது. பணத்திற்காக இது போல் ஆபாச வீடியோக்களை வெளியிட்டு வருகிறார்கள்.

ட்விட்டர் ஹேண்டில்

அந்த ட்விட்டர் ஹேண்டில்களும் அதில் வந்த ஆபாச ட்வீட்களும் டெல்லி போலீஸுக்கும் ட்விட்டர் நிறுவனத்திற்கும் அனுப்பப்பட்டுள்ளது. இது போல் புகார் அளித்தும் ட்விட்டரில் அந்த வீடியோக்களும் புகைப்படங்களும் கொட்டி கிடக்கின்றன. இது குறித்து டெல்லி போலீஸுக்கும் ட்விட்டர் நிறுவனத்தின் இந்திய கொள்கை தலைவருக்கும் சம்மன் அனுப்பப்பட்டுள்ளது.

ஆபாச வீடியோ

100- க்கும் மேற்பட்ட ஆபாச வீடியோக்கள் இருந்து வரும் நிலையில் அவற்றை இதுவரை டிவிட்டர் நிறுவனம் டெலிட் செய்யாதது ஏன். இது போன்ற குற்றவாளிகளின் குற்றவியல் நடவடிக்கைகளுக்கு எதிராக ட்விட்டர் எந்த மாதிரியான நடவடிக்கையும் எடுக்காதது குறித்து கேள்வி எழுப்பப்படும்.

சிஸ்டம் மாற வேண்டும்

இந்த ஆபாச வீடியோக்கள் விரைந்து ட்விட்டரில் இருந்து நீக்கப்பட வேண்டும். சம்பந்தப்பட்டவர்கள் மீது முதல் தகவல் அறிக்கை பதிவு செய்யப்பட வேண்டும். ஆபாச படங்கள், வீடியோக்கள் தானாக டெலிட் செய்யும் சட்ட அமைப்புகளுக்கும் தகவல் அளிக்கும் வகையில் புதிய திட்டம் ஒன்று கொண்டு வரப்பட வேண்டும்என்றார்.