இந்த பவரை வச்சுக்கிட்டுதான்.. இந்தியாவோடு போருக்கு போகிறீர்களா? பாகிஸ்தான் செய்த காமெடி!

Updated: Tuesday, May 6, 2025, 17:49 [IST]

Subscribe to Oneindia Tamil

சென்னை: இந்தியா பாகிஸ்தான் இடையே எப்போது வேண்டுமானாலும் போர் நடக்கலாம் என்று கூறப்படும் நிலையில்தான் பாகிஸ்தான் விமானப்படையின் செயல் ஒன்று பலரையும் சிரிக்க வைத்துள்ளது.

கடந்த 4 நாட்களுக்கு முன் இந்திய விமானப்படை விமானம் பாகிஸ்தான் எல்லைக்குள் செல்ல முயன்றதாக பாகிஸ்தான் தெரிவித்தது. ஆனால் இதில் உண்மை இல்லை என்று பின்னர் நிரூபிக்கப்பட்டது. அதோடு பாகிஸ்தான் இதில் பொய் சொல்லி வந்ததும் உறுதி செய்யப்பட்டது. இந்த நிலையில்தான் பாகிஸ்தான் ராணுவம் இப்போது ஒரு வீடியோவை வெளியிட்டு உள்ளது. அதில் விமானப்படை அதிகாரிகள் அங்கே உள்ள புதிய தொழில்நுட்பங்களை ஆய்வு செய்வதாக காட்சிகள் உள்ளன.

அதாவது விமானப்படை அதிகாரிகள் விமான ரேடார் சிஸ்டங்களை ஆய்வு செய்வதாக காட்சிகள் உள்ளன. அதிலும் ரேடார் சிஸ்டத்தில் புதிதாக இணைக்கப்பட்டு உள்ளன தொழில்நுட்பங்களை அவர் ஆய்வு செய்வதாக காட்சிகள் உள்ளன. இதுதான் கிண்டலுக்கு உள்ளாகி இருக்கிறது. ஏனென்றால் அந்த வீடியோவில் பாகிஸ்தான் ராணுவம் காட்டி இருப்பதை flightradar24 என்ற பக்கத்தின் காட்சிகள் ஆகும். இது flightradar24 எனப்படும் இலவச இணைய பக்கம் ஆகும். யார் வேண்டுமானாலும் இதை ஓபன் செய்து விமானங்களை பார்க்கலாம்.

சில போர் விமானங்கள் தவிர மற்ற விமானங்களின் விவரங்கள் எல்லாம் இதில் இருக்கும். பிரீமியம் முறை எடுத்தால் இன்னும் பல விவரங்களை பார்க்கலாம். உதாரணமாக உங்கள் மேல் ஒரு விமானம் பறந்தால் flightradar24 ஓபன் செய்து மேப்பில் உங்கள் பகுதிக்கு சென்று மேலே சென்ற விமானத்தை பற்றிய விவரங்களை அறியலாம்.

Pakistan air force is getting trolled for using Flight Radar 24 amid India army drill

ஆனால் இதை போய் விமானப்படை ரேடார் சிஸ்டத்தில் புதிதாக இணைக்கப்பட்டு உள்ளன தொழில்நுட்பம் என்று கூறி பாகிஸ்தான் விமானப்படை அதிகாரிகள் ஆய்வு செய்தது கிண்டலுக்கு உள்ளாகி இருக்கிறது. இந்தியா பாகிஸ்தான் இடையே எப்போது வேண்டுமானாலும் போர் நடக்கலாம் என்று கூறப்படும் நிலையில்தான் பாகிஸ்தான் விமானப்படையின் இந்த செயல் பலரையும் சிரிக்க வைத்துள்ளது. இந்த பவரை வச்சுக்கிட்டுதான்.. இந்தியாவோடு போருக்கு போகிறீர்களா? என்று பலரும் கிண்டல் செய்து வருகின்றனர்.