ஆம் ஆத்மியை ஊதித்தள்ளும் தாமரை.. டெல்லியில் அரியணை ஏறும் பாஜக.. எக்ஸிட் போல் ரிசல்ட்

டெல்லி: டெல்லி சட்டசபை தேர்தலில் ஆம்ஆத்மி கட்சியை வீழ்த்தி பாஜக அரியணை ஏறும் என்றும், பாஜக 40 முதல் 44 தொகுதிகளில் வெல்லும் என்று People Insight s சார்பில் நடத்தப்பட்ட தேர்தலுக்கு பிந்தைய கருத்து கணிப்பில் தெரிவிக்கப்பட்டுள்ளது.

டெல்லி சட்டசபை தொகுதிகளுக்கு ஒரே கட்டமாக இன்று தேர்தல் நடந்து முடிந்துள்ளது. வாக்காளர்கள் வரிசையில் நின்று ஓட்டளித்தனர். மாலை 6 மணிக்கு ஓட்டுப்பதிவு நிறைவு பெற்றது.

இந்த தேர்தலில் பதிவான ஓட்டுகள் பிப்ரவரி 8 ம் தேதி எண்ணப்பட்டு முடிவுகள் அறிவிக்கப்பட உள்ளது. டெல்லியை பொறுத்தவரை மொத்தம் 70 சட்டசபை தொகுதிகள் உள்ளன. இங்கு ஒரு கட்சி தனித்து ஆட்சியை பிடிக்க வேண்டும் என்றால் 36 தொகுதிகளில் வெற்றி பெற வேண்டும்.

டெல்லியில் மும்முனை போட்டி நிலவி வருகிறது. ஆளும் ஆம்ஆத்மி, பாஜக, காங்கிரஸ் இடையே போட்டி உள்ளது. தேர்தல் முடிவடைந்துள்ளதை தொடர்ந்து இன்று மாலை 6.30 மணிக்கு தேர்தலுக்கு பிந்தைய கருத்து கணிப்புகள் முடிவுகள் வெளியாகி வருகின்றன.

அதன்படி டெல்லியில் பாஜக தனி மெஜாரிட்டியுடன் ஆட்சியை பிடிக்கும் என்று People Insight கருத்த கணிப்பில் தெரிவிக்கப்பட்டுள்ளது. அதாவது பாஜக 44.7 சதவீத ஓட்டகளுடன் 40 முதல் 44 தொகுதிகளை கைப்பற்றும் என்று கூறப்பட்டுள்ளது. இதன்மூலம் பாஜக 27 ஆண்டுகளுக்கு பிறகு டெல்லியில் மீண்டும் ஆட்சியை பிடிக்கும் என்று இந்த கருத்து கணிப்பில் கூறப்பட்டுள்ளது.

மாறாக ஆட்சியில் இருக்கும் அரவிந்த் கெஜ்ரிவாலின் ஆம்ஆத்மி கட்சி 39.3 சதவீத ஓட்டுகளுடன் 26 முதல் 28 தொகுதிகளில் மட்டுமே வெல்லும். காங்கிரஸ் 9.5 சதவீத ஓட்டுகளுடன் ரு இடத்தில் வெல்லும் என்று கருத்து கணிப்பில் கூறப்பட்டுள்ளது. இதன்மூலம் டெல்லியில் ஆம்ஆத்மி கட்சியின் செல்வாக்கு சரிந்துள்ள வேயைில் பாஜகவின் செல்வாக்கு அதிகரித்துள்ளதாக இந்த கருத்து கணிப்பு கூறியுள்ளது.

டெல்லியில் இதற்கு முன்பு தொடர்ந்து 3 முறை ஆம்ஆத்மி ஆட்சியை பிடித்தது. கடந்த 2014, 2015, 2020 ஆகிய சட்டசபை தேர்தல்களில் டெல்லியில் ஆம்ஆத்மி கட்சி வெற்றி பெற்று ஆட்சியை பிடித்தது. இதில் 2014ல் மட்டும் பாஜக - ஆம்ஆத்மி கூட்டணி அமைத்து இருந்தது. ஆனால் அந்த ஆட்சி உடனடியாக கவிழ்ந்தது. அதன்பிறகு 2015, 2020 சட்டசபை தேர்தலில் ஆம்ஆத்மி மெஜாரிட்டியுடன் ஆட்சியை பிடித்தது. இப்போது மீண்டும் சட்டசபை தேர்தல் நடந்துள்ளது என்பது இங்கே குறிப்பிடத்தக்கது.

English summary

Delh Exit Polls 2025: People Insigt Delhi Exit polls 2025 says that BJP will win 40 to 44 seats in the Delhi Assembly elections and come to power with a majority. Aam Aadmi may gets 26 -28 seats and Congress will win one seat only.