இந்தியா சுட்டு வீழ்த்திய பாக். எப் 16 போர் விமானம் இதுதான்.. பரபர படங்கள் வெளியானது!
எப் 16 போர் விமானத்தின் பாகங்கள் புகைப்படங்களாக வெளியிடப்பட்டுள்ளன.
Recommended Video
டெல்லி: இந்திய ராணுவம் நேற்று எல்லையில் சுட்டு வீழ்த்திய பாகிஸ்தானின் F-16 போர் விமானத்தின் பாகங்கள் புகைப்படங்களாக தற்போது வெளியாகியுள்ளன.
காஷ்மீரில் 40 இந்திய சிஆர்பிஎப் வீரர்கள் கொல்லப்பட்டதும், இந்தியா - பாகிஸ்தான் இரு நாடுகளுக்கும் இடையே பெரும் மோதல் வெடித்துள்ளது. இதனால் பதற்றம் ஏற்பட்டு, எந்த நேரம் இரு நாட்டுக்கும் போர் வந்துவிடுமோ என்ற அச்சம் உலகம் முழுவதும் சூழ்ந்துள்ளது.
நிமிடத்துக்கு நிமிடம் இந்த தாக்குதல் மற்றும் பதிலடி குறித்த தகவல்கள் வந்து கொண்டே இருப்பது மேலும் பரபரப்பை ஏற்படுத்தி உள்ளது. இப்படித்தான் நேற்று, விமான தாக்குதல் நடந்ததை அதாவது, இந்திய விமானங்கள் அழிக்கப்பட்டதாக பாகிஸ்தான் டிவி சேனல்கள் மற்றும் இணையதளங்களில் நிறைய போட்டோக்கள், வீடியோக்கள் வெளியாகியும் பகிரப்பட்டும் வந்தன.
போலியானவை
அதில் பாகிஸ்தான் ராணுவம் எல்லையில் சுட்டு வீழ்த்திய மிக் 21 போர் விமானம் இதுதான் என்றும் ஒரு விமானம் காட்டப்பட்டது. அந்த விமானத்தின் வால் பகுதியில் எந்தவித சேதாரமும் இல்லை என்றாலும், விமானத்தின் முன்பகுதி முற்றிலும் நாசமாகி இருந்தது. இதையெல்லாம் பார்த்ததும் நாட்டு மக்கள் பதறி போனார்கள். ஆனால் இந்த போட்டோ, வீடியோ எல்லாம் உண்மை கிடையாது, போலியானவை என்று பின்னர் தெரிய வந்தது.
ஒரிஜினல் F-16
இந்நிலையில், நேற்று எல்லையில் இந்தியா சுட்டு வீழ்த்திய பாகிஸ்தானின் F-16 என்ற விமானத்தின் உண்மையான புகைப்படம் இன்று வெளியிடப்பட்டுள்ளது. ஒரிஜினல் F-16 போர் விமானத்தின் பாகங்களுடன் ஒப்பிட்டு வீழ்த்தப்பட்ட விமான பாக புகைப்படத்தை ஏஎன்ஐ செய்தி நிறுவனம் வெளியிட்டுள்ளது.
|
பாகிஸ்தான் விமானம்
இதில் இன்னொரு முக்கியமான விஷயம் என்னவென்றால், இந்திய விமானத்தின் பாகம் என்று நேற்றெல்லாம் பாகிஸ்தான் முழுவதும் இந்த படம்தான் காட்டப்பட்டது. ஆனால் இது பாகிஸ்தான் விமானத்தின் பாகம் என்பது இப்போதுதான் தெரியவந்துள்ளது.
நொறுங்கிய விமானம்
தரையில் விழுந்து கிடக்கும் இந்த விமானத்தின் அருகிலேயே பாகிஸ்தான் வீரர்கள் நொறுங்கிய பாகத்தை உற்று நோக்குவது போலவும் பார்வையிடுவதும்போலவும் நின்றுகொண்டிருக்கிறார்கள். ஆனால் இந்த விமானத்தில் இருந்த பாகிஸ்தான் விமானி என்ன ஆனார் என்று தெரியவில்லை.