பிரதமர் மோடி சாதனை.. யூட்யூப்பில் நம்பர் 1.. உலக தலைவர்களிலேயே அதிக ஃபாலோவர் இவருக்குதான்!
டெல்லி: உலகளவில் யூடியூப்பில் அதிக சப்ஸ்கிரைபர்களை கொண்ட தலைவராக பிரதமர் நரேந்திர மோடி தொடர்ந்து நீடித்து வருகிறார். இந்நிலையில் தான் உலக தலைவர்கள் தங்களின் யூடியூப்பில் உள்ள சப்ஸ்கிரைபர்களின் அடிப்படையில் வரிசைப்படுத்தப்பட்டுள்ள பட்டியல் வெளியாகி உள்ளது. இதில் அமெரிக்க அதிபர் ஜோபைடன் 4வது இடத்துக்கு தள்ளப்பட்டுள்ளார்.
தற்போது பொதுமக்கள் அனைவரும் செல்போன்களை பயன்படுத்த தொடங்கி விட்டனர். அதோடு இணையதளங்களில் அதிக நேரத்தை மக்கள் செலவிடுகின்றனர். மேலும் பல்வேறு வலைதளங்களை பயன்படுத்தி வருகின்றனர்.
இதனால் பொதுமக்களிடம் தொடர்பில் இருக்கும் வகையில் உலக தலைவர்கள் அனைவரும் சமூக வலைதளங்களில் கணக்கு தொடங்கி வைத்துள்ளனர். எக்ஸ், முகநூல், இன்ஸ்டாகிராம், யூடியூப் உள்பட பிற வலைதளங்களில் தலைவர்கள் கணக்கு தொடங்கி அதில் ஆக்டிவ்வாக செயல்பட்டு வருகின்றன.
அந்த வகையில் யூடியூப்பில் அதிக சப்ஸ்கிரைபர்களை கொண்ட தலைவர்களின் பட்டியல் வெளியாகி உள்ளது. இதில் பிரதமர் நரேந்திர மோடி முதலிடத்தில் உள்ளது. பிரதமர் நரேந்திர மோடியின் யூடியூப் சேனலை 20 மில்லியன் (ஒரு மில்லியன் என்பது 10 லட்சம் அதாவது மொத்தம் 2 கோடி பேர்) பேர் சப்ஸ்கிரைப் செய்துள்ளனர்.
இந்த 2 கோடி சப்ஸ்கிரைபரை பிரதமர் நரேந்திர மோடி இன்று கடந்தார். இந்த பட்டியலில் ஏற்கனவே பிரதமர் நரேந்திர மோடி தான் முதலிடத்தில் இருந்த நிலையில் அவரது யூடியூப் சேனல் 2 கோடி சப்ஸ்கிரைபர்களை எட்டியுள்ளது. அதோடு வியூஸ் அடிப்படையிலும் பிரதமர் மோடியின் யூடியூப் தான் யாரும் தொடமுடியாத உச்சத்தில் உள்ளது. டிசம்பர் மாதத்தில் இதுவரை 2.24 பில்லியன் (ஒரு பில்லியன் என்பது 100 கோடியாகும்) சப் வியூசை பெற்றுள்ளது.
பிரதமர் மோடிக்கு அடுத்ததாக பிரேசில் நாட்டின் முன்னாள் அதிபர் ஜெய்ர் போல்சனோரா 2வது இடத்தில் உள்ளார். இவருக்கு மொத்தம் 6.4 மில்லியன் (64 லட்சம்) யூடியூப் சப்ஸ்கிரைபர்கள் உள்ளனர். மேலும் 3 வது இடத்தில் 1.1 மில்லியன் (11 லட்சம்) சப்ஸ்கிரைபர்களுடன் உக்ரைன் அதிபர் ஜெலன்ஸ்கி உள்ளார். இதையடுத்து 4வது இடத்தில் அமெரிக்க அதிபர் ஜோபைடன் உள்ளார். ஜோபைடனின் யூடியூப் சேனலை வெறும் 7 லட்சத்து 94 ஆயிரம் பேர் மட்டுமே சப்ஸ்கிரைப் செய்துள்ளனர்.
Click it and Unblock the Notifications
Sign in with Google