இமாலய வெற்றி பெற்ற பாஜக.. வாழ்த்து சொன்ன ராகுல்காந்திக்கு பிரதமர் மோடி சொன்ன பதில்!

டெல்லி: மக்களவைத் தேர்தலில் பாஜக அபார வெற்றி பெற்றதை தொடர்ந்து வாழ்த்து கூறிய ராகுல் காந்திக்கு பிரதமர் மோடி பதிலளித்துள்ளார்.

நாடு முழுவதும் நடந்து முடிந்த மக்களவை தேர்தலில் பாஜக 350 இடங்களில் வெற்றி பெற்று மீண்டும் மத்தியில் ஆட்சியமைக்கவுள்ளது. காங்கிரஸ் கோட்டை என கூறப்பட்ட பல தொகுதிகளை கைப்பற்றியிருக்கிறது பாஜக.

மீண்டும் ஆட்சியமைக்கவுள்ள பிரதமர் மோடிக்கு உலகத்தலைவர்கள் பலரும் வாழ்த்து தெரிவித்து வருகின்றனர். இந்நிலையில் காங்கிரஸ் கட்சியின் தலைவர் ராகுல்காந்தி டிவிட்டர் மூலம் பிரதமர் மோடிக்கு வாழ்த்து தெரிவித்தார்.

I accept the verdict of the people of India 🇮🇳

Congratulations to the winners, Mr Modi & the NDA.

Thank you to the people of Wayanad for electing me as your MP.

Thank you also to the people of Amethi.

Thank you Congress workers & leaders for your hard work in this campaign.

— Rahul Gandhi (@RahulGandhi) May 23, 2019

வாழ்த்து கூறிய ராகுல்

மக்களின் தீர்ப்பை ஏற்பதாகவும் வெற்றி பெற்றவர்களுக்கும் பிரதமர் மோடி மற்றும் தேசிய ஜனநாயக கூட்டணிக்கு வாழ்த்து என கூறியிருந்தார் ராகுல்காந்தி. மேலும் வயநாட்டில் வெற்றி பெற செய்த மக்களுக்கு நன்றி தெரிவித்த ராகுல் அமேதி தொகுதி மக்களுக்கும் நன்றி பிரச்சாரத்தின் போது கடுமையாக உழைத்த காங்கிரஸ் தொண்டர்களுக்கும் நிர்வாகிகளுக்கும் நன்றி என கூறியிருந்தார் ராகுல்.

Thank you @RahulGandhi for your good wishes. https://t.co/0lClOl4yl2

— Narendra Modi (@narendramodi) May 23, 2019

பிரதமர் பதில்

இந்நிலையில் வாழ்த்து தெரிவித்த அனைவருக்கும் பிரதமர் மோடி நன்றி தெரிவித்து வருகிறார். அந்த வகையில் ராகுல்காந்தியின் ட்விட்டுக்கும் பிரதமர் மோடி பதில் தெரிவித்துள்ளார். அதில் உங்களுடைய வாழ்த்துகளுக்கு நன்றி ராகுல்காந்தி என குறிப்பிட்டுள்ளார்.

Congratulations to Prime Minister @NarendraModi and his BJP party on their BIG election victory! Great things are in store for the US-India partnership with the return of PM Modi at the helm. I look forward to continuing our important work together!

— Donald J. Trump (@realDonaldTrump) May 23, 2019

ட்ரம்ப் வாழ்த்து

இதேபோல் அமெரிக்க அதிபர் ட்ரம்பும் பிரதமர் மோடிக்கு ட்விட்டர் வாயிலாக வாழ்த்து கூறியிருந்தார். அதில், தேர்தலில் மிகப்பெரிய வெற்றி பெற்ற பிரதமர் நரேந்திர மோடிக்கும், பாஜகவுக்கும வாழ்த்துகள் என்றும் உங்களுடன் இணைந்து முக்கிய பணிகளை செய்ய எதிர்பார்த்திருக்கேன் என்றும் கூறியிருந்தார்.

Thank you @realDonaldTrump!

This victory represents the aspirations of a nation of 1.3 billion people.

I too am looking forward to working closely with you for closer bilateral ties, which also augur well for global peace and prosperity. https://t.co/MbnDQBBnMF

— Narendra Modi (@narendramodi) May 23, 2019

ட்ரம்புக்கு மோடி நன்றி

வாழ்த்து கூறிய அமெரிக்க அதிபர் டொனால்டு ட்ரம்புக்கும் பிரதமர் மோடி நன்றி கூறியுள்ளார். அதில் இந்த வெற்றி நாட்டில் உள்ள 130 கோடி மக்களின் ஆசாபாசங்களை காட்டுகிறது. நானும் உங்களுடன் நெருக்கமாக பணியாற்ற எதிர்பார்த்து காத்திருக்கிறேன். அது உலகளாவிய சமாதானத்தையும் வளத்தையும் பெருக்கும் என்று மோடி தனது ட்விட்டில் தெரிவித்துள்ளார்.

English summary

PM Modi replies to leaders for the greetings on Twitter. Modi replied to Rahul Gandhi.