யாரு பெருசுன்னு அடிச்சுக் காட்டு.. மோடி VS ராகுல்! இணையத்தில் யார் பேமஸ்! பாஜக - காங்கிரஸ் சண்டை
டெல்லி: சமூக வலைதளங்களில் பிரதமர் நரேந்திர மோடி பிரபலமா அல்லது காங்கிரஸ் எம்பி ராகுல் காந்தி பிரபலமா என்ற விவாதம் காங்கிரஸ் - பாஜக கட்சியினரிடையே எழுந்துள்ளது.
நாடாளுமன்ற மழைக்கால கூட்டத்தொடர் தொடங்கி விறுவிறுப்பாக சென்று கொண்டு இருக்கிறது. கடந்த வாரம் மக்களவையில் நடைபெற்ற நம்பிக்கையில்லா தீர்மானம் மீதான விவாதத்தின்போது எம்பி பதவியை மீண்டும் பெற்று வந்து உரையாற்றிய ராகுல் காந்தியின் பேச்சு பெரும் விவாதப் பொருளானது.
மணிப்பூர் தொடர்பாகவும், மத்திய அரசின் நடவடிக்கை குறித்தும் ராகுல் காந்தி ஆற்றிய உரை நாடு முழுவதும் டிரெண்டானது. நாடாளுமன்றத்துக்கு கம்பேக் கொடுத்த ராகுல் காந்தியின் அந்த உரை, காங்கிரஸுக்கு கம்பேக் கொடுக்கும் அளவுக்கு இருந்ததாக பாராட்டுக்களும் குவிந்தன.
மறுநாள் பிரதமர் நரேந்திர மோடி ஆற்றிய நம்பிக்கையில்லா தீர்மானம் மீதான விவாதத்தில் பெரிதும் எதிர்பார்க்கப்பட்ட மணிப்பூர் வன்முறை குறித்த அவரது கருத்தை கடைசி நேரத்தில் குறுகிய இடைவெளியில் வெளிப்படுத்தியது ஏமாற்றத்தை அளித்தது. இந்த நிலையில் ராகுல் காந்தி, பிரதமர் நரேந்திர மோடியின் நாடாளுமன்ற உரைகளில் எது அதிகளவில் சமூக வலைதளங்களில் பார்வையாளர்களை பெற்றுள்ளது என்ற விவாதம் எழுந்துள்ளது.
அதேபோல் இருவரின் ட்விட்டர் பதிவுகளில் எது அதிக அளவில் ஈர்ப்பை ஏற்படுத்தியுள்ளது என்ற விவாதமும் எழுந்து இருக்கிறது. காங்கிரஸ் வெளியிட்டு உள்ள ஸ்க்ரீட் ஷாட்டில் நாடாளுமன்றத்தின் சன்சாத் டிவியின் யூடியூப் சேனலில் வெளியிடப்பட்ட ராகுல் காந்தியின் உரை 3.41 லட்சம் பார்வையாளர்களையும், பிரதமர் நரேந்திர மோடியின் உரை 2.28 லட்சம் பார்வையாளையும் பெற்று உள்ளது.
ட்விட்டர் பதிவுகளை எடுத்துக்கொண்டால் ராகுல் காந்தியின் கடைசி 30 பதிவுகள் 4 கோடியே 81 லட்சம் ஈர்ப்புகளையும், பிரதமர் நரேந்திர மோடியின் கடைசி 30 பதிவுகள் 2 கோடியே 15 லட்சம் ஈர்ப்புகளையும் பெற்று இருப்பதாக காங்கிரஸ் கூறியுள்ளது. இந்த நிலையில் இதற்கு பாஜக பதிலடி கொடுத்து உள்ளது.
பிரதமர் மோடியின் ட்விட்டர் கணக்குடன் தோராயமாக கடந்த ஒரு மாதத்தில் 79.9 லட்சம் பேர் தொடர்பில் இருந்ததாகவும், ராகுல் காந்தியின் ட்விட்டர் கணக்குடன் தோராயமாக கடந்த ஒரு மாதத்தில் 23.43 லட்சம் பேர் மட்டுமே தொடர்பில் இருந்ததாகவும் பாஜக தெரிவித்து உள்ளது.
அதேபோல் பிரதமர் மோடியின் பேஸ்புக் கணக்குடன் தோராயமாக கடந்த ஒரு மாதத்தில் 57.89 லட்சம் பேர் தொடர்பில் இருந்ததாகவும், ராகுல் காந்தியின் பேஸ்புக் கணக்குடன் தோராயமாக கடந்த ஒரு மாதத்தில் 28.38 லட்சம் பேர் மட்டுமே தொடர்பில் இருந்ததாகவும் பாஜக தெரிவித்து உள்ளது.
கடந்த ஓராண்டில் மட்டும் பிரதமர் மோடியின் பேஸ்புக் கணக்குடன் தோராயமாக 3.25 கோடி பேர் தொடர்பில் இருந்ததாகவும், ராகுல் காந்தியின் பேஸ்புக் கணக்குடன் தோராயமாக கடந்த ஒரு ஆண்டில் 1.88 கோடி பேர் மட்டுமே தொடர்பில் இருந்ததாகவும் பாஜக தெரிவித்து உள்ளது.
பிரதமர் மோடியின் யூடியூப் சேனல் கடந்த ஒரு ஆண்டில் தோராயமாக 75.79 கோடி பார்வையாளர்களை பெற்று உள்ளதாகவும், ராகுல் காந்தியின் யூடியூப் சேனல் தோராயமாக கடந்த ஒரு ஆண்டில் 25.38 கோடி பார்வையாளர்களை பெற்று இருப்பதாகவும் பாஜக தெரிவித்து இருக்கிறது. அதேபோல் இன்ஸ்டாகிராமிலும் ராகுலை விட மோடிக்கே அதிக வரவேற்பு உள்ளது என பாஜக தெரிவித்து உள்ளது.
Click it and Unblock the Notifications
Sign in with Google