அதானி குறித்து இனி பேசுவதை தடுக்கவே தகுதி நீக்கம்- ராகுல் விமர்சனம்

டெல்லி: அதானி குறித்து இனி பேசுவதை தடுக்கவே தகுதி நீக்கம் செய்துள்ளார்கள் என ராகுல் காந்தி கடுமையான விமர்சனத்தை முன் வைத்துள்ளார்.

பிரதமர் நரேந்திர மோடியை அவதூறாக பேசியதாக தொடரப்பட்ட வழக்கில் ராகுல் காந்திக்கு சூரத் நீதிமன்றம் 2 ஆண்டுகள் சிறை தண்டனை விதித்து தீர்ப்பளித்தது. மேலும் இந்த சிறைத் தண்டனையை எதிர்த்து அவர் மேல்முறையீடு செய்வதற்காக வரும் 30 ஆம் தேதி வரை அவருக்கு ஜாமீனும் வழங்கப்பட்டுள்ளது.

ராகுல்காந்தியின் எம்பி பதவி தொடர்பாக மத்திய அரசு மூத்த வழக்கறிஞர்களுடன் ஆலோசனை நடத்தியது. எம்பிக்கள் அல்லது எம்எல்ஏக்கள் குற்ற வழக்குகளில் 2 ஆண்டுகள் அல்லது அதற்கு மேல் சிறை தண்டனை பெற்றால் அவர்களது பதவியை பறிக்க மக்கள் பிரதிநிதித்துவ சட்டத்தின்படி பதவியை இழப்பார்கள் என சட்டம் வகுக்கப்பட்டதாக கூறினர்.

இதையடுத்து காங்கிரஸ் முன்னாள் தலைவர் ராகுல் எம்பி பதவியிலிருந்து தகுதி நீக்கம் செய்யப்படுவதாக மக்களவை செயலகம் உத்தரவிட்டுள்ளது. இதற்கு எதிர்க்கட்சிகள் கடும் எதிர்ப்பு தெரிவித்தன. இந்த நிலையில் இன்று மதியம் 1 மணிக்கு செய்தியாளர்களை சந்திப்பதாக ராகுல் காந்தி அறிவித்துள்ளார்.

English summary

Rahul Gandhi Press Conference Today (ராகுல் காந்தி செய்தியாளர் சந்திப்பு) LIVE News in Tamil: Check Out the LIVE News Updates on Congress leader Rahul Gandhi press conference today after being disqualified from the Lok Sabha.