அமலாக்கத்துறை இயக்குநராக ராகுல் நவீன் நியமனம்.. 1993 பேட்ச் ஐஆர்எஸ் அதிகாரி.. யார் இவர்?
டெல்லி: அமலாக்கத்துறையின் இயக்குநராக ராகுல் நவீன் நியமிக்கப்பட்டுள்ளார். அமலாக்க இயக்குநரகத்தின் சிறப்பு இயக்குநராக பொறுப்பு வகித்து வரும் ஐ.ஆர்.எஸ் அதிகாரி ராகுல் நவின், அமலாக்கத்துறையின் புதிய முழுநேர இயக்குநராக இன்று நியமிக்கப்பட்டுள்ளார். இவர் அடுத்த 2 ஆண்டுகளுக்கு ED இயக்குநர் பதவியில் இருப்பார்.
சஞ்சய் குமார் மிஸ்ரா கடந்த 2018-ம் ஆண்டு முதல் அமலாக்கத்துறை இயக்குநராக பதவியில் இருந்து வந்தார். அவரது பதவி நீட்டிப்புக்கு எதிராக பல வழக்குகள் தாக்கல் செய்யப்பட்ட நிலையில், உச்சநீதிமன்ற உத்தரவால் அவர் கடந்த ஆண்டு செப்டம்பரில் பதவி விலகினார்.
ராகுல் நவீன் அமலாக்கத்துறையின் இடைக்கால இயக்குநராக நியமிக்கப்பட்டிருந்தார். இந்நிலையில், அமலாக்கத்துறையின் புதிய இயக்குநராக ராகுல் நவீன் தற்போது நியமனம் செய்யப்பட்டுள்ளார். அமைச்சரவையின் நியமனக் குழு இந்த நியமன உத்தரவை பிறப்பித்துள்ளது. இவர் அடுத்த 2 ஆண்டுகளுக்கு அமலாக்கத்துறை இயக்குநராகச் செயல்படுவார்.
1993-ம் ஆண்டு ஐ.ஆர்.எஸ் (இந்திய வருவாய்ப் பணி) கேடர் அதிகாரியான ராகுல் நவீன், 2019-ம் ஆண்டு முதல் அமலாக்கத்துறை சிறப்பு அதிகாரியாகச் செயல்பட்டவர். அந்தத் துறையின் சீனியர் அதிகாரியாகவும் உள்ளார். இந்திய வருவாய்த்துறையின் கூடுதல் அதிகாரியாகப் பணியாற்றியவர்.
Click it and Unblock the Notifications
Sign in with Google