ராஜ்யசபா தேர்தல் 2022 LIVE: ராஜஸ்தானில் காங்கிரஸ் 3 இடங்களில் வெற்றி

டெல்லி : ராஜ்யசபா எம்.பிகளை தேர்ந்தெடுப்பதற்காக இன்று நடைபெற்ற வாக்குப்பதிவில் வெற்றி பெற்றவர்கள் அறிவிக்கப்பட்டுள்ளனர். கர்நாடகாவில் பா.ஜ.க 3 இடங்களையும், ராஜஸ்தானில் காங்கிரஸ் 3 இடங்களிலும் வெற்றி பெற்றுள்ளது.

ராஜ்ய சபாவில் மொத்தம் 250 எம்பிக்கள் வரை இருக்க முடியும். இதில் 238 பேர் எம்எல்ஏக்கள் மூலம் தேர்வு செய்யப்படுவார்கள். அது போக 12 பேர் குடியரசுத் தலைவர் மூலம் நியமனம் செய்யப்படுவார்கள். தற்போது 245 எம்பிக்கள் அவையில் இருக்கிறார்கள். நாடு முழுவதும் 15 மாநிலங்களில் காலியாக போகிற 57 ராஜ்ய சபா எம்.பி.க்களின் இடங்கள் தற்போது நிரப்பப்பட உள்ளன. தமிழ்நாட்டில் மொத்தம் 6 எம்பிக்கள் பதவிக்காலம் முடிவு பெறுகிறது. இதில் திமுக இந்த முறை 4 எம்பிக்களை தேர்வு செய்ய முடியும். திமுக கூட்டணி சார்பில் தஞ்சை கல்யாணசுந்தரம், கேஆர்என் ராஜேஷ்குமார், ரா கிரிராஜன் ஆகியோருக்கு வாய்ப்பு வழங்கப்பட்டுள்ளது. அதிமுக சார்பில் சிவி சண்முகம், தர்மர் ஆகியோர் போட்டியிடுகிறார்கள். காங்கிரஸ் சார்பில் ப. சிதம்பரம் போட்டியிடுகிறார். இவர்கள் 6 பேருமே போட்டியின்றி தேர்வாகிறார்கள்.

இந்த ராஜ்ய சபா எம்பி தேர்தலில், மஹாராஷ்டிரா, ராஜஸ்தான், ஹரியானா, கர்நாடகா ஆகிய 4 மாநிலங்களில் இருந்து 16 எம்பிக்கள் தேர்வாவதில் சிக்கல் ஏற்பட்டுள்ளது. இவர்களுக்கு போதிய எம்எல்ஏக்கள் ஆதரவு இல்லாததாலும், சுயேட்சைகளின் போட்டியாலும், கூட்டணி குழப்பத்தாலும் எம்பி தேர்தலில் இவர்கள் வெற்றிபெறுவது சிக்கலாகி உள்ளது. இதற்கான கடும் போட்டி ஜூன் 10ம் தேதி நடக்கும். இப்போதே ராஜஸ்தான் உள்ளிட்ட மாநிலங்களில் எம்எல்ஏக்களை ரிசார்ட்டில் தங்க வைத்துள்ளதால் பரபரப்பு கூடி உள்ளது.

English summary

Rajya Sabha MP Election Results 2022 (ராஜ்யசபா எம்பி தேர்தல் 2022 முடிவுகள் ) LIVE News Updates in Tamil: கர்நாடகா, மகாராஷ்டிரா , ஹரியானா, ராஜஸ்தான், தமிழ்நாடு உட்பட இந்தியாவின் 15 மாநிலங்களிலிருந்து இருந்து காலியாகும் 57 ராஜ்யசபா எம்பி பதவிகளுக்கான தேர்தல் மற்றும் முடிவுகள் குறித்த நேரலை செய்திகளை இந்த பக்கத்தில் பார்த்து தெரிந்து கொள்ளுங்கள்.