அசாமில் பாஜக.,வுக்கு அமோக வெற்றி : ரிபப்ளிக் எக்சிட் போல்

டெல்லி : அசாமில் பாஜக கூட்டணி 74 முதல் 84 இடங்களை கைப்பற்றி ஆட்சியை தக்க வைக்கும் என ரிபப்ளிக் டிவி நடத்திய தேர்தலுக்கு பிந்தைய கருத்துக்கணிப்பில் தெரிவிக்கப்பட்டுள்ளது.

ரிபப்ளிக் டிவி மற்றம் சிஎன்எக்ஸ் நடத்திய தேர்தலுக்கு பிந்தைய கருத்துக்கணிப்பு முடிவுகள் இன்று வெளியிடப்பட்டது. இதில் அசாமில் மொத்தமுள்ள 126 தொகுதிகளில் பாஜக கூட்டணி 74 முதல் 84 இடங்களை கைப்பற்றும். காங்கிரஸ் கூட்டணி 40 மதல் 50 இடங்களை கைப்பற்றும் என தெரிவிக்கப்பட்டுள்ளது.

மற்ற கட்சிகள் ஒரு முதல் 3 இடங்களில் மட்டுமே வெற்றி பெற வாய்ப்புள்ளது எனவும் தெரிவிக்கப்பட்டுள்ளது. 2016 தேர்தலை ஒப்பிடுகையில் பாஜக கூட்டணி 10 இடங்கள் வரை கூடுதலாக பெறும் என்றும், காங்கிரஸ் கூட்டணி 1 முதல் 11 இடங்கள் குறைவாக பெறும் என தெரிவிக்கப்பட்டுள்ளது.

ஓட்டு சதவீதத்தை பொறுத்தவரை பாஜக கூட்டணிக்கு 44.25 சதவீதம் ஓட்டுக்களும், காங்கிரஸ் கூட்டணிக்கு 39.65 சதவீதம் ஓட்டுக்களும் கிடைக்கும், மற்றவைகளுக்கு 16.10 சதவீதம் ஓட்டுக்கள் கிடைக்க வாய்ப்புள்ளதாக தெரிவிக்கப்பட்டுள்ளது.

English summary

Republic Assam Exit Polls 2021: NDA predicted to sweep state