‛‛ஆபாசம்’’.. நீ எப்படி இருக்க தெரியுமா? ரஷ்ய பெண் யூடியூபரிடம் அத்துமீறிய இளைஞர்.. டெல்லியில் ஷாக்

Updated: Sunday, October 22, 2023, 16:05 [IST]

Subscribe to Oneindia Tamil

டெல்லி: டெல்லியில் இரவு நேரத்தில் ரஷ்யாவை சேர்ந்த இளம்பெண் யூடியூப்பாளருக்கு இளைஞர் ஒருவர் தொல்லை கொடுத்த வீடியோ வெளியாகி பெரும் பரபரப்பை ஏற்படுத்தி உள்ளது.

இந்தியாவுக்கு வெளிநாடுகளை சேர்ந்தவர்கள் சுற்றுலா வருகின்றனர். இதில் பலரும் இந்தியாவில் சுற்றிப்பார்க்கும் இடங்களை வீடியோவாக எடுத்து தங்களின் யூடியூப் சேனல்களில் பதிவிட்டு வருகின்றனர்.

Russian YouTuber harassed by a man and he leveid bad comment while filming in Delhis Sarojini Nagar

இப்படி இந்தியா வரும் இளம்பெண்களிடம் சிலர் அத்துமீறி நடந்து கொள்ளும் சம்பவங்கள் அவ்வப்போது நடந்து வருகிறது. அந்த வகையில் தான் தற்போது டெல்லியில் ஒரு சம்பவம் நடந்துள்ளது. அதன் விபரம் வருமாறு:

ரஷ்யாவை சேர்ந்த இளம்பெண் ‛KoKo In India' என்ற பெயரில் யூடியூப் சேனல் நடத்தி வருகிறார். இவர் தற்போது இந்தியாவில் வசித்து வருகிறார். இந்தியாவின் பல்வேறு இடங்களுக்கு அவர் சென்று பார்வையிட்டு அந்த இடங்கள் குறித்த வீடியோவை பதிவிட்டு வருகிறார். இந்நிலையில் தான் இவர் டெல்லி சரோஜினி நகரில் உள்ள மார்க்கெட்டுக்கு இரவில் சென்றார்.

அங்கு அவர் வீடியோ எடுத்து கொண்டிருந்தார். இந்த வேளையில் இளைஞர் ஒருவர் அவரை பின்தொடர்ந்து சென்றார். அதன்பிறகு அவர் ரஷ்யாவின் இளம்பெண்ணிடம் நைசாக பேச்சு கொடுத்தார். அப்போது அவர், ‛‛நாம் இருவரும் நண்பர்களாகலாமா?'' என கேட்டார். அதற்கு அந்த பெண் இந்தியில், ‛‛நீங்கள் யார் என்று எனக்கு தெரியாதே'' என கூறினார்.

இதையடுத்து அந்த இளைஞர், ‛‛இருவரும் நண்பர்களான பிறகு ஒருவரையொருவர் பற்றி தெரிந்து கொள்வோம்'' என கூறினார். இதற்கு அந்த இளம்பெண் மறுப்பு தெரிவித்தார். அதன்பிறகும் விடாத அந்த இளைஞர், ‛You are very sexy'' என தெரிவித்தார். இதை கேட்டு அதிர்ச்சியடைந்த அந்த இளம்பெண் செய்வதறியது அங்கிருந்து சென்றார். இந்த வீடியோவை அவர் தனது யூடியூப் பக்கத்தில் பகிர்ந்துள்ளார்.

இந்நிலையில் தான் இளைஞரின் செயலுக்கு பலரும் எதிர்ப்பு தெரிவித்து வருகின்றனர். அவர் மீது போலீசார் நடவடிக்கை எடுக்க வேண்டும் என பலரும் கோரிக்கை வைத்து வருகின்றனர். இருப்பினும் தற்போது வரை அந்த இளம்பெண் சார்பில் போலசில் புகார் அளிக்கப்படவில்லை. இதற்கிடையே அந்த இளம்பெண்ணுக்கு, இளைஞர் கொடுத்த தொல்லை தொடர்பான வீடியோ இணையதளங்களில் வேகமாக பரவி வருகிறது.