மாநிலங்களுக்கான கோவிஷீல்டு தடுப்பூசி விலை ரூ 100 குறைப்பு- சீரம் நிறுவனம்

டெல்லி: மாநிலங்களுக்கான கோவிஷீல்டு தடுப்பூசியின் விலையில் சீரம் நிறுவனம் ஒரு டோஸிற்கு ரூ 100 குறைத்துள்ளது. அதாவது 25 சதவீதம் குறைத்துள்ளது.

பாரத் பயோ டெக் நிறுவனமும் இந்திய மருத்துவ கவுன்சிலும் இணைந்து கோவாக்சின் தடுப்பூசியை இந்தியாவில் தயாரித்தன. இதையடுத்து சீரம் நிறுவனமும் ஆக்ஸ்போர்டு பல்கலைக்கழகமும் இணைந்து கோவிஷீல்டு எனும் தடுப்பூசியை தயாரித்தன.

இந்த இரு தடுப்பூசிகளும் இந்தியாவில் தயாரிக்கப்பட்டன. இந்த நிலையில் இரு தடுப்பூசிகளின் விலைகளையும் அந்த நிறுவனங்கள் தாறுமாறாக உயர்த்தின. சீரம் நிறுவனத்தின் கோவிஷீல்டு மருந்து மாநில அரசுக்கு ரூ 400 வழங்கப்படும் என அறிவிக்கப்பட்டது.

தடுப்பூசி விலையை குறைக்க மாநில அரசுகள் கோரிக்கை விடுத்தன. இதுகுறித்து ஏற்கெனவே மத்திய அரசும் சீரம் நிறுவனத்துடன் பேச்சுவார்த்தை நடத்தியது. இந்த நிலையில் மாநில அரசுகளுக்கான தடுப்பூசி ரூ 400-லிருந்து ரூ 300 க்கு குறைக்கப்படுவதாக சீரம் நிறுவனம் அறிவித்துள்ளது.

கோவிஷீல்டு தடுப்பூசி விலை குறைப்பு உடனே அமலுக்கு வருகிறது என்றும் அறிவிக்கப்பட்டுள்ளது.

English summary

Serum Institute cuts Covishield Prices for States by 25%; Will be Sold for Rs 300 Per Dose Now.