டெல்லி திமுக அலுவலகம் திறப்பு LIVE: டெல்லியில் அண்ணா-கலைஞர் அறிவாலயத்தை திறந்து வைத்தார் ஸ்டாலின்

டெல்லி: டெல்லியில் அண்ணா-கலைஞர் அறிவாலயத்தை முதல்வர் ஸ்டாலின் இன்று மாலை 5 மணிக்கு திறந்து வைத்தார்

கடந்த 2006 ஆம் ஆண்டு நாடாளுமன்ற இரு அவைகளிலும் 7 எம்பிக்களுக்கு மேல் உள்ள கட்சிக்கு டெல்லியில் அலுவலகம் அமைக்க இடம் ஒதுக்க மத்திய அரசு முடிவு செய்தது. அதன் படி 2013 ஆம் ஆண்டு திமுகவுக்கு டெல்லியில் உள்ள தீனதயாள் உபாத்யாயா மார்க் பகுதியில் நிலம் வழங்கப்பட்டது.

இங்கு திமுக அலுவலகமான அண்ணா- கலைஞர் அறிவாலயம் கட்டும் பணிகள் தொடங்கின.
மொத்தம் 8 ஆயிரம் சதுர அடியில் 3 தளங்களுடன் இந்த அலுவலகம் கட்டப்பட்டுள்ளது. இந்த அலுவலகத்தின் நுழைவு வாயிலில் முன்னாள் முதல்வர்கள் அண்ணா, கருணாநிதி ஆகியோரது மார்பளவு சிலைகள் உள்ளன.

இன்றைய தினம் மாலை 5 மணியளவில் நடைபெற்ற நிகழ்ச்சியில் திமுக அலுவலகத்தை முதல்வர் ஸ்டாலின் திறந்து வைத்தார். இந்த நிகழ்ச்சியில் காங்கிரஸ் தலைவர் சோனியா காந்தி, சமாஜ்வாதி கட்சி தலைவர் அகிலேஷ் யாதவ், திமுக மூத்த தலைவர்கள், கூட்டணி கட்சியினர், அமைச்சர்கள், நாடாளுமன்ற உறுப்பினர்கள், உள்ளிட்ட பலர் கலந்து கொண்டனர்.

English summary

MK Stalin DMK Office Inaguration in Delhi (டெல்லியில் திமுகவின் அண்ணா-கலைஞர் அறிவாலயம் திறப்பு விழா) LIVE News Updates in Tamil: CM Stalin is going to inaugurate the office.