“ஸ்வீட் பாக்ஸுக்காக வெயிட்டிங்..” HBD கூறிய முதல்வர் ஸ்டாலினுக்கு நன்றி சொல்லி ட்வீட் போட்ட ராகுல்

டெல்லி: ராகுல் காந்திக்கு முதலமைச்சர் மு.க.ஸ்டாலின் வாழ்த்து தெரிவித்திருந்த நிலையில், இதற்கு நன்றி தெரிவித்துள்ள ராகுல் காந்தி, ஸ்வீட் பாக்ஸ்கிற்காக காத்திருக்கிறேன் என x தளத்தில் பதிவிட்டுள்ளார்.

காங்கிரஸின் ராகுல் காந்தி இன்று 54வது பிறந்தநாளை கொண்டாடி வருகிறார். அவருக்கு காங்கிரஸ் கட்சி தலைவர்கள், தொண்டர்கள், தோழமை கட்சியின் நிர்வாகிகள் என பல்வேறு தரப்பினரும் வாழ்த்து தெரிவித்துள்ளனர்.

அதேபோல முதலமைச்சர் மு.க.ஸ்டாலின், "அன்புச் சகோதரர் ராகுல் காந்திக்கு இனிய பிறந்தநாள் வாழ்த்துகள். நாட்டு மக்களுக்காக அர்ப்பணிப்புடன் செயலாற்றும் ராகுல் காந்தி மிக உயர்ந்த இடத்துக்கு செல்வார். இந்த ஆண்டு முழுவதும் ராகுலுக்கு வளர்ச்சி மற்றும் வெற்றிகள் வந்து சேரட்டும்" என வாழ்த்து தெரிவித்து x தளத்தில் பதிவிட்டிருந்தார். இதற்கு நன்றி தெரிவித்துள்ள ராகுல் காந்தி, ஸ்வீட் பாக்ஸ் கேட்டிருக்கிறார்.

அதாவது, "பிறந்த நாள் வாழ்த்து கூறியதற்கு எனது அருமை சகோதரர் மு.க.ஸ்டாலினுக்கு நன்றி. இன்று ஸ்வீட் பாக்ஸ்கிற்காக காத்திருக்கிறேன்" என்று ராகுல் காந்தி எக்ஸ் தளத்தில் பதிலளித்துள்ளார்.

சமீபத்தில் நடந்து முடிந்த லோக்சபா தேர்தலில் ஸ்வீட் பாக்ஸ் பெரும் விவாத பொருளாக மாறியிருந்தது. பாஜக, தமிழகக்தில் இந்த முறை பாமக, ஐஜேகே என சிறிய, பெரிய கட்சிகளை ஒருங்கிணைத்து லோக்சபா தேர்தலை எதிர்கொண்டது. இருப்பினும் தேர்தலில் ஒரு இடத்தை கூட கைப்பற்ற முடியவில்லை. கோவை, குமரி, நெல்லை, தென் சென்னை உள்ளிட்ட தொகுதிகளை பாஜக எதிர்பார்த்திருந்தது.

தேர்தல் பிரசாரத்திற்கு மோடியை நேரடியாக தமிழக பாஜக தலைமை களமிறக்கியிருந்தது. பலமுறை பிரதமர் மோடி வேலூருக்கும், கோவைக்கும், குமரிக்கும், நெல்லைக்கும், சென்னைக்கும் வந்து சென்றிருந்தார். வடமாநிலங்களில் நடப்பதை போல இங்கும் ரோட் ஷோக்களை நடத்தியிருந்தார். ஆனால், ராகுல் காந்தி ஒரு முறை மட்டுமே தேர்தல் பரப்புரைக்காக தமிழம் வந்திருந்தார். அவரது வருகை தமிழ்நாடு முழுவதும் பேரும் பேசுபொருளானது.

குறிப்பாக தனது வருகையின் போது ரோட்டை கிராஸ் செய்து ஸ்வீட் பாக்ஸ் வாங்கிய வீடியோ சோஷியல் மீடியாவில் பரவலாக பகிரப்பட்டது. இது குறித்து சமீபத்தில் கூட முதல்வர் ஸ்டாலின் பேசியிருந்தார். அதாவது, "கடந்த முறை இங்கே நடந்த கூட்டம் இந்தியா முழுவதும் 'டிரெண்ட்' ஆனது. அதற்குக் காரணம், பிரதமர் மோடி எட்டு முறை தமிழ்நாட்டிற்கு வந்து கட்டமைத்த பிம்பத்தை, ராகுல் காந்தி ஒரு ஸ்வீட் பாக்ஸ் கொடுத்து க்ளோஸ் செய்துவிட்டார். அன்று ராகுல் காந்தி வழங்கிய இனிப்பு, கருத்துக்கணிப்புகளைத் தகர்த்துவிட்டது" என்று தேர்தல் வெற்றி குறித்து பேசியிருந்தார்.

இந்நிலையில், தற்போது தனக்கு பிறந்த நாள் வாழ்த்து கூறிய முதல்வர் ஸ்டாலினுக்கு நன்றி கூறிய ராகுல் காந்தி "உங்கள் வாழ்த்துகளுக்கு நன்றி சகோதரரே, எனக்கு உரிய ஸ்வீட் பாக்ஸுக்காகக் காத்திருக்கிறேன்" என்று x தளத்தில் பதிவிட்டிருப்பது பேசுபொருளாகியுள்ளது.

English summary

While Chief Minister M.K.Stalin had congratulated Rahul Gandhi, Rahul Gandhi thanked him and posted on x site that he is waiting for the sweet box.