அதிமுக கூட்டணியில் தான் பாஜக இருக்கிறது.. நம்புங்க.. அமைச்சர் ஜெயக்குமார் விளக்கம்

டெல்லி: அதிமுக கூட்டணியில் தான் பாஜக உள்ளதே தவிர பாஜக கூட்டணியில் அதிமுக இல்லை என அமைச்சர் ஜெயக்குமார் விளக்கம் அளித்துள்ளார்.

டெல்லியில் செய்தியாளர்களிடம் பேசிய அவர் பல்வேறு கேள்விகளுக்கு பதில் அளித்தார். அப்போது, கூட்டணி மற்றும் தலைமை என்பது குறித்து தமிழிசை ஏற்கனவே விளக்கமளித்துள்ளார் என்றார்.

மேலும், அரசியலில் நேற்று, இன்று, நாளை என சூழ்நிலை மாறி வருகிறது என்றும் காலத்தின் தேவை நிரந்தர ஆட்சி அமைக்க கூட்டணி அமைக்கப்பட்டுள்ளதாகவும் கூறிய அமைச்சர் ஜெயக்குமார், கடந்த காலங்களை பின்நோக்கி பார்க்க முடியாது என்றார். அதே நேரம், காலத்துக்கேற்ப கூட்டணி அமையும் எனவும் தெரிவித்தார்.

அனைத்து கட்சிகளையும் அழைத்து செல்ல நினைத்து மெகா கூட்டணி அமைத்து உள்ளோம் என்றும் எங்கள் கூட்டணியில் தேமுதிக இடம்பெறும் என்றும் அமைச்சர் ஜெயக்குமார் நம்பிக்கை தெரிவித்தார்.

முன்னதாக, 33-வது ஜிஎஸ்டி கவுன்சில் குழு கூட்டத்தில் 380-க்கும் மேற்பட்ட பொருட்களுக்கு வரி விலக்கு கொடுக்கப்பட்டுள்ளது என்றும் அமைச்சர் ஜெயக்குமார் குறிப்பிட்டார்.

English summary

The BJP is in the AIADMK Alliance Minister Jayakumar explained