பிகினி உடையுடன் பேருந்தில் ஏறிய இளம்பெண்.. டெல்லி ஷாக் சம்பவம்! வேகமாக ஷேர் செய்யப்படும் வீடியோ

டெல்லி: பேருந்தில் பிகினி உடையுடன் இளம்பெண் ஒருவர் பயணித்துள்ள சம்பவம் டெல்லியில் சலசலப்பை கிளப்பியுள்ளது. இது தொடர்பான வீடியோ சோஷியல் மீடியாக்களில் வேகமாக பகிரப்பட்டு வருகிறது.

வித்தியாசமான உடைகளை அணிவது சமீபக காலமாக அதிகரித்து வருகிறது. அதுவும் பொதுவெளியில் வித்தியாசமான உடையில் தங்களை அடையாளப்படுத்திக்கொள்வதை மெட்ரோ நகரங்களில் அடிக்கடி பார்க்க முடிகிறது. சில நாட்களுக்கு முன்னர், டெல்லி மெட்ரோவில் இளம்பெண் ஒருவர் உள்ளாடைகளுடன் பயணித்த சம்பவம் விவாதங்களை கிளப்பியிருந்தது. அந்த வரிசையில் தற்போது மற்றொரு சம்பவம் அரங்கேறியுள்ளது.

அதாவது, மக்கள் கூட்டம் உள்ள பேருந்து ஒன்றில் இளம்பெண் ஒருவர் பிகினி உடையில் பயணித்திருக்கிறார். இது தொடர்பான வீடியோ கலவையான விமர்சனங்களை பெற்றிருக்கிறது.

சிலர், "உடை என்பது ஒருவரின் தனிப்பட்ட விருப்பம். அதில் தலையிடக்கூடாது" என்று கூறியுள்ளனர். பலர், "இப்படி உடை அணிவது தவறானது, பொது மக்கள் மத்தியில் இது தவறான கருத்துக்களை விதைக்கும்" என்று கூறியுள்ளனர். இன்னும் சிலரோ, "இது கோடைக்காலம், எனவே காற்றோட்டத்திற்கு ஏற்றார் போல உடை அணிந்திருக்கிறார். இதில் என்ன தவறு இருக்கிறது?" என்று கேள்வி எழுப்பியுள்ளனர்.

உடைகள் குறித்த விமர்சனம் என்றாலே பிரபல மாடலான உர்ஃபி ஜாவித்தான் மேற்கோள்காட்டப்படுகிறார். இவர் உடை குறித்த விவாதங்களின் மையமாக ஆக்கப்பட்டிருக்கிறார். ஒவ்வொரு முறையும் அவர் அணிந்து வரும் வித்தியாசமான உடைகள் குறித்து பல்வேறு விதமாக கருத்துகள் மேலெழுகின்றன.

உடைகள் குறித்த விமர்சனம் என்றாலே பிரபல மாடலான உர்ஃபி ஜாவித்தான் மேற்கோள்காட்டப்படுகிறார். இவர் உடை குறித்த விவாதங்களின் மையமாக ஆக்கப்பட்டிருக்கிறார். ஒவ்வொரு முறையும் அவர் அணிந்து வரும் வித்தியாசமான உடைகள் குறித்து பல்வேறு விதமாக கருத்துக்கள் மேலெழுகின்றன.

दिल्ली की बसों की व्यवस्था पूरी तरह से बदहाल हो चुकी हैं ।
दिल्ली मैट्रो से ज्यादा असुरक्षित हैं दिल्ली की बसें ।
यह तो एक छोटी सी घटना हैं हर रोज़ सैकड़ो लोगों की बसों में जेब कट रही हैं उसका जिम्मेदार कोन हैं....?#delhi #DelhiMetro #bus #DTC #CLUSTER #aap #BJP@kgahlot pic.twitter.com/FzEe26UuCe

— Delhi Buses (@DELHIBUSES1) April 17, 2024

தற்போது டெல்லி பேருந்தில் பிகினி உடையுடன் பயணித்த பெண்ணையும், உர்ஃபி ஜாவித்துடன் பலரும் தொடர்புப்படுத்தி பேசி வருகின்றனர். உடைகள் ஒவ்வொரு நாடுகளுக்கும், ஒவ்வொரு இன குழுவுக்கும் வேறுபட்டிருக்கும். அந்த ஆடைகளை வைத்து ஆட்களை எடை போடுவது, குறிப்பிட்ட வகை ஆடை அணிவதாலேயே அவர்கள் இப்படித்தான் இருப்பார்கள் என்று கூறுவது இன்னமும் தொடர்ந்துக்கொண்டுதான் இருக்கிறது. அந்த வகையில், டெல்லி பேருந்தில் பயணித்த பெண்ணும் விமர்சனங்களுக்கு தப்பவில்லை.

English summary

The incident of a young woman traveling in a bikini in a bus has created a stir in Delhi. The related video is being shared rapidly on social media.