பிரதமர் பதவிக்கு பொருத்தமானவர்: மோடி 46%, ராகுலுக்கு 34% ஆதரவு.. இந்தியா டுடே
டெல்லி: பிரதமர் பதவிக்குப் பொருத்தமானவர் யார் என்பது தொடர்பாக இந்தியா டுடே டிவி சேனல், கருத்துக் கணிப்பு வெளியிட்டுள்ளது.
மூட் ஆப் தி நேஷன் என்ற பெயரில், இந்த கருத்துக் கணிப்பு நடைபெற்றது. நரேந்திர மோடியே பிரதமர் பதவிக்கு சரியானவர் என 46 சதவீதம் ஆதரவு அளித்துள்ளனர்.
அதேநேரம், காங்கிரஸ் தலைவர் ராகுல் காந்தியும் சளைத்தவர் இல்லை. அவருக்கு 34 சதவீத ஆதரவு கிடைத்திருப்பதாக மூட் ஆப் தி நேஷன் கருத்துக்கணிப்பு தெரிவிக்கிறது.
திரிணாமுல் காங்கிரஸ் தலைவரும், மேற்கு வங்க முதல்வருமான மமதா பானர்ஜி, 3 சதவீத ஆதரவுடன் 3வது இடம் பிடித்துள்ளார். 2 தினங்களுக்கு முன்பு அதிகாரப்பூர்வமாக அரசியலில் காலடி எடுத்து வைத்துள்ள, காங்கிரஸ் கட்சியின், பிரியங்கா காந்தி மற்றும் பாஜக மூத்த அமைச்சர், அருண் ஜேட்லி தலா 2 சதவீத ஆதரவைப் பெற்றுள்ளனர்.
இதில் கவனிக்க வேண்டியது 65 சதவீத ஆதரவு பெற்றிருந்த பிரதமர் நரேந்திர மோடி தற்போது, 46 சதவீத ஆதரவைத்தான் பெற்றுள்ளார். ராகுல் காந்திக்கு முன்பு 10 சதவீதம் மக்களே ஆதரவு அளித்த நிலையில், இப்போது அது 34 சதவீதமாக அதிகரித்துள்ளது.
Click it and Unblock the Notifications
Sign in with Google