ஜம்மு காஷ்மீர் சட்டசபைக்கு தேர்தல் இல்லை... 4 மாநிலங்களுக்கு மட்டுமே தேர்தல்!
நாடாளுமன்ற தேர்தலுடன் சேர்த்து 4 மாநில சட்டமன்ற தேர்தலில் ஏப்ரல் - மே மாதங்களில் நடக்க இருக்கிறது.
டெல்லி: நாடாளுமன்ற தேர்தலுடன் சேர்த்து 4 மாநில சட்டமன்ற தேர்தலில் ஏப்ரல் - மே மாதங்களில் நடக்க இருக்கிறது. இதற்கான தேதிகளை தற்போது தேர்தல் ஆணையம் அறிவித்து இருக்கிறது.
பலரும் எதிர்பார்த்த லோக்சபா தேர்தல் தேதிகள் தற்போது அறிவிக்கப்பட்டு இருக்கிறது. வரும் ஏப்ரல் மாதம் 11ம் தேதி லோக்சபா தேர்தல் தொடங்க உள்ளது. இதையடுத்து தேர்தல் நடத்தை விதிமுறைகள் தற்போது அமலுக்கு வந்து இருக்கிறது.
லோக்சபா தேர்தலுடன் சேர்ந்து 4 மாநிலங்களுக்கு சட்டமன்ற தேர்தலும் நடக்க உள்ளது. ஆந்திர பிரதேசம், ஒடிசா, சிக்கிம், அருணாசலப்பிரதேசம் ஆகிய மாநிலங்களுக்கு தேர்தல் நடக்க உள்ளது. ஜம்மு காஷ்மீர் மாநிலத்தில் லோக்சபா தேர்தல் மட்டும் நடக்கிறது. சட்டமன்ற தேர்தல் நடக்கவில்லை. இதற்கான தேர்தல் அட்டவணை வெளியாகி உள்ளது.
ஆந்திர பிரதேசம்: ஆந்திராவில் ஏப்ரல் 11ம் தேதி சட்டமன்ற தேர்தல் நடக்கும். 175 தொகுதிக்கு சட்டமன்ற தேர்தல் நடக்கும்.
சிக்கிம்: ஏப்ரல் 11ம் தேதி சட்டமன்ற தேர்தல். 32 தொகுதிகளுக்கு தேர்தல் .
அருணாசலப்பிரதேசம்: ஏப்ரல் 11ம் தேதி சட்டமன்ற தேர்தல். 60 தொகுதிகளுக்கு தேர்தல்.
ஒடிசா: ஒடிசாவில் நான்கு கட்டங்களாக சட்டமன்ற தேர்தல் நடக்கும். ஏப்ரல் 11 முதல் மே 12 வரை நான்கு கட்டங்களாக தேர்தல் நடக்கும். 147 தொகுதிக்கு தேர்தல் நடக்கும்.
ஜம்மு காஷ்மீர்: சட்டமன்ற தேர்தல் கிடையாது.
Click it and Unblock the Notifications
Sign in with Google