நாளை மாலை பிரதமர் மோடி தலைமையில் மத்திய அமைச்சரவைக் கூட்டம் ! 16வது அமைச்சரவையை கலைத்து தீர்மானம்?

டெல்லி: பிரதமர் மோடி தலைமையில் நாளை மாலை மத்திய அமைச்சரவைக் கூட்டம் நடைபெறுகிறது.

நடந்து முடிந்த லோக்சபா தேர்தலில் பாஜக கூட்டணி இமாலய வெற்றி பெற்றுள்ளது. பாஜக பிரதமர் வேட்பாளர் நரேந்திர மோடி 3 லட்சத்து 85ஆயிரம் வாக்குகள் வித்தியாசத்தில் வெற்றி பெற்றுள்ளார்.

வேலூர் தவிர்த்து நாடு முழுவதும் 542 தொகுதிகளில் நடைபெற்ற தேர்தலில் பாஜக 340 இடங்களில் முன்னிலை வகித்து வருகிறது. இதைத்தொடர்ந்து வரும் 26ஆம் தேதி பிரதமர் மோடி குடியரசுத் தலைவரை சந்தித்து ஆட்சியமைக்க உரிமை கோரவுள்ளார்.

அன்றைய தினமே மோடி மீண்டும் பிரதமராக பதவியேற்பார் என்றும் தகவல் வெளியாகியுள்ளது. இந்நிலையில் நாளை மாலை பிரதமர் மோடி தலைமையில் மத்திய அமைச்சரவைக் கூட்டம் நடைபெறும் என தெரிவிக்கப்பட்டுள்ளது.

இந்த அமைச்சரவைக் கூட்டத்தில் 16வது அமைச்சரவையை கலைத்து தீர்மானம் நிறைவேற்றப்படும் என கூறப்படுகிறது.

English summary

The Union Cabinet meeting held tomorrow evening headed by prime minister Modi.