தமிழகத்துக்கு ரூ.7,057 கோடி.. மாநில அரசுக்கான வரிப்பகிர்வை வழங்கிய மத்திய அரசு.. உபிக்கு தாராளம்

Updated: Friday, January 10, 2025, 15:18 [IST]

Subscribe to Oneindia Tamil

டெல்லி: வரி வருவாயில் இருந்து மாநில அரசுகளுக்கான வரிப் பகிர்வாக ரூ.1,73,030 கோடியை மத்திய அரசு விடுவித்துள்ளது. அதன்படி அதிகபட்சமாக உத்தர பிரதேசத்துக்கு ரூ.31,039.84 கோடியும், தமிழ்நாட்டுக்கு ரூ.7,057.89 கோடியும் விடுவிக்கப்பட்டுள்ளது. இதுபற்றிய முழு விபரங்கள் வருமாறு:

வரி வருவாயில் இருந்து மாநில அரசுகளுக்கு மத்திய அரசு சார்பில் வரிப்பகிர்வு என்பது வழங்கப்பட்டு வருகிறது. இதன்மூலம் மாநில அரசுகளின் மூலதன செலவினங்களை விரைவுப்படுத்தவும், அரசு திட்டங்களுக்கு தேவையான நிதி தேவையையும் இந்த வரிப்பகிர்வு மூலம் பூர்த்தி செய்ய முடியும்.

union government tamil nadu uttar pradesh

அந்த வகையில் இன்று மத்திய அரசு சார்பில் வரி வருவாயில் இருந்து மாநில அரசுகளுக்கான வரிப்பகிர்வு தொகை என்பது விடுவிக்கப்பட்டுள்ளது. இதுதொடர்பாக மத்திய அரசு வெளியிட்டுள்ள செய்திக்குறிப்பில் கூறப்பட்டுள்ளதாவது:

மூலதனச் செலவினங்களை விரைவாக மேற்கொள்ளவும், வளர்ச்சி திட்டங்களுக்கு உதவிடவும் மாநில அரசுகளுக்கு வரி பகிர்வு செய்யப்பட்டுள்ளது. அதன்படி மாநில அரசுகளுக்கு ரூ.1,73,030 கோடி வரிப்பகிர்வாக வழங்கப்படுகிறது. கடந்த 2024ம் ஆண்டு டிசம்பரில் ரூ89,086 கோடியாக இருந்த இந்த வரிப்பகிர்வு என்பது இந்த மாதம் ரூ.1,73,030 கோடியாக உயர்த்தி வழங்கப்பட்டுள்ளது. அதன்படி மாநிலங்கள் வாரியாக வழங்கப்பட்டுள்ள வரி பகிர்வு விபரம் வருமாறு:

ஆந்திர பிரதேசத்துக்கு ரூ. 7002.52 கோடி, அருணாச்சல பிரதேசத்துக்கு ரூ.3040.14 கோடி, அசாமுக்கு ரூ. 5412.38 கோடி, பீகாருக்கு ரூ.17403.36 கோடி, சத்தீஸ்கருக்கு ரூ. 5895.13 கோடி, கோவாவிற்கு ரூ. 667.91 கோடி, குஜராத்துக்கு ரூ. 6017.99 கோடி, ஹரியானாவுக்கு ரூ.1891.22 கோடி, இமாச்சல பிரதேசத்துக்கு ரூ.1436.16 கோடி, ஜார்கண்ட்டுக்கு ரூ. 5722.10 கோடி வரிப்பகிர்வாக வழங்கப்பட்டுள்ளது.

கர்நாடகாவுக்கு ரூ.6310.40 கோடி, கேரளாவுக்கு ரூ.3330.83 கோடி, மத்திய பிரதேசத்துக்கு ரூ.13582.86 கோடி, மகாராஷ்டிராவுக்கு ரூ.
10930.31 கோடி, மணிப்பூருக்கு ரூ. 1238.90 கோடி, மேகலாயாவுக்கு ரூ. 1327.13 கோடி, மிசோராமுக்கு ரூ.865.15 கோடி, நாகலாந்துக்கு ரூ. 984.54, ஒடிசாவுக்கு ரூ.7834.80 கோடி, பஞ்சாப்புக்கு ரூ. 3126.65 ஒதுக்கீடு செய்யப்பட்டுள்ளது.

ராஜஸ்தான் மாநிலத்துக்கு ரூ.10426.78 கோடி, சிக்கிமிற்கு ரூ.671.35 கோடி, தமிழ்நாட்டுக்கு ரூ.7057.89 கோடி, தெலுங்கானாவுக்கு ரூ.
3637.09 கோடி, திரிபுராவுக்கு ரூ. 1225.04, உத்தர பிரதேசத்துக்கு ரூ.31039.84 கோடி, உத்தரகாண்ட்டுக்கு ரூ. 1934.47 கோடி, மேற்கு வங்கத்துக்கு ரூ. 13017.06 கோடி என்று ஒதுக்கீடு செய்யப்பட்டுள்ளது.