இரவோடு இரவாக.. உலகின் டாப் நாடுகளுக்கு போனை போட்ட ஜெய்சங்கர்! பெருகிய சப்போர்ட்
சென்னை: வெளியுறவு அமைச்சர் எஸ். ஜெய்சங்கர் வியாழக்கிழமை உலகெங்கிலும் உள்ள இந்தியாவின் நட்பு நாடுகளையும், இந்தியாவிற்கு ஆதரவாக உள்ள நாடுகளையும், சில வல்லரசு நாடுகளையும் தொலைபேசியில் தொடர்பு கொண்டு ஆலோசனை மேற்கொண்டார்
ஐரோப்பிய ஆணையத்தின் துணைத் தலைவர் காஜா கல்லாஸிடம் பேசிய ஜெய்சங்கர், பாகிஸ்தான் ஆக்கிரமிப்புக்கு எதிரான, தீவிரவாத தாக்குதல்களுக்கு எதிரான நடவடிக்கைகளை மட்டுமே இந்தியா மேற்கொண்டு இருக்கிறது. பாகிஸ்தான் அத்துமீறி நடவடிக்கைகளை மேற்கொண்டு வருகிறது. பாகிஸ்தான் தொடர்ந்து அத்துமீறினால் கடுமையான பதிலடி தரப்படும் என்று ஜெய்சங்கர் குறிப்பிட்டு உள்ளார்.
அமெரிக்கா உடன் ஆலோசனை
அமெரிக்காவின் வெளியுறவுத்துறை அமைச்சர் மார்கோ ரூபியோ உடன் இந்திய வெளியுறவு அமைச்சர் ஜெய்சங்கர் அவசர அவசரமாக பேசினார். பாகிஸ்தான் நடத்தும் தாக்குதலுக்கு இடையே இந்த ஆலோசனை முக்கியமானதாக பார்க்கப்படுகிறது.
பாகிஸ்தான் எல்லையில் அத்துமீறி தாக்குதல் நடத்துவதால் அமைச்சர் ஜெய்சங்கர் அவசரமாக அமெரிக்காவின் வெளியுறவுத்துறை அமைச்சர் மார்கோ ரூபியோவிற்கு போன் அடித்துள்ளார். பாகிஸ்தான் நடத்தும் தாக்குதல் குறித்தும், இந்தியா தரக்கூடிய பதிலடி குறித்தும், இதனால் உருவாக உள்ள போர் வாய்ப்புகள் குறித்தும் இவர்கள் ஆலோசனைகளை மேற்கொண்டு உள்ளனர்.
இத்தாலி நாட்டு வெளியுறவுத்துறை அதிகாரிகளிடம் பேசிய அமைச்சர் ஜெய்சங்கர் இந்தியாவின் நிலைப்பாடு, பாகிஸ்தான் மேற்கொண்ட அத்துமீறல்கள் குறித்தும் விளக்கினார். இது போக ஈரான், ஆஸ்திரேலியா, பிரிக்ஸ் நாடுகள் உள்ளிட்ட சில நாட்டு அதிகாரிகள் உடனும் இந்திய வெளியுறவுத்துறை சார்பாக அதிகாரிகள் ஆலோசனை மேற்கொண்டு உள்ளனர்.
யாருக்கு சப்போர்ட் அதிகம்
இந்தியா பாகிஸ்தான் இடையே போர் நடக்கும் பட்சத்தில் எந்தெந்த நாடுகள் இந்தியாவை ஆதரிக்கும், பாகிஸ்தானை ஆதரிக்கும், நடுநிலையாக இருக்கும் என்று பார்க்கலாம்.
இந்தியாவை ஆதரிக்கும் நாடுகள்:
அமெரிக்கா - முக்கியமாக மொத்த QUAD கூட்டாண்மை வழியாக அமெரிக்கா ஆதரிக்கும்
பிரான்ஸ் - வலுவான உறவு (எ.கா., ரஃபேல் ஜெட்)
ரஷ்யா - பாரம்பரியமாக நெருங்கிய நட்பு நாடு (சீனாவுடன் ரஷ்யா நட்பில் இருந்தாலும், இந்தியாவுடன் இன்னும் நெருக்கமாக உள்ளது).
ஆஸ்திரேலியா - QUAD கூட்டாளி
ஜப்பான் - QUAD கூட்டாளி
யுனைடெட் கிங்டம் - வரலாற்று உறவு உள்ளது., இந்திய புலம்பெயர்ந்தோர் செல்வாக்கு உள்ளது.
இஸ்ரேல் - வலுவான உறவு. இரண்டு நாடுகளுக்கு இடையே பாதுகாப்பு மற்றும் உளவுத்துறை ஒத்துழைப்பு.
வியட்நாம் - சீனாவின் ஆதிக்கத்திற்கு எதிராக இந்தியாவுடன் நெருங்கிய நட்புறவு.
ஐக்கிய அரபு எமிரேட்ஸ் மற்றும் சவுதி அரேபியா - ஆச்சரியப்படும் விதமாக, இந்தியாவுடன் நெருக்கமான உறவு கொண்டது.
பூட்டான், நேபாளம் (நடுநிலை ஆனால் இந்தியாவை நோக்கி சற்று சாய்ந்திருக்கலாம்)
பங்களாதேஷ் - இந்தியாவுடனான உறவு பாகிஸ்தான் எதிர்ப்பால் மீண்டும் புதுப்பிக்கப்படலாம்.
ஏறக்குறைய 10-12 நாடுகள் இந்தியாவை தீவிரமாக அல்லது இராஜதந்திர ரீதியாக ஆதரிக்கலாம்.
பாகிஸ்தானுக்கு ஆதரவாக இருக்கும் நாடுகள்:
சீனா - வலுவான நட்பு. முக்கிய உள்கட்டமைப்பு முதலீடுகள் (CPEC) அதிகம்.
துருக்கி - காஷ்மீர் பிரச்சனைகளில் பாகிஸ்தானுக்கு குரல் கொடுக்கும் முக்கிய ஆதரவாளர்.
மலேசியா (அரசாங்கத்தைப் பொறுத்து) - காஷ்மீர் மீதான சில வரலாற்று ஆதரவு காரணமாக பாகிஸ்தான் பக்கம் சாயலாம்.
கத்தார் - பாகிஸ்தான் உடன் இராணுவ உறவுகளைக் கொண்டுள்ளது.
ஈரான் (ஒருவேளை நடுநிலையாக இருக்கலாம், ஆனால் பாகிஸ்தான் பக்கம் சிறிது அனுதாபம் உள்ளது).
எனவே தோராயமாக 3-5 நாடுகள் பாகிஸ்தானை தீவிரமாக அல்லது இராஜதந்திர ரீதியாக ஆதரிக்கலாம்.
நடுநிலையாக இருக்க வாய்ப்புள்ள நாடுகள்:
ஐரோப்பிய ஒன்றியம் (பிரான்ஸ், இங்கிலாந்து தவிர, மற்ற நாடுகள் இந்தியா பக்கம் செல்லலாம்).
ஆசியான் நாடுகள் (இந்தோனேசியா, தாய்லாந்து போன்றவை நடுநிலையாக இருக்கலாம்).
ஆப்பிரிக்க நாடுகள்
தென் அமெரிக்க நாடுகள் (பிரேசில், அர்ஜென்டினா போன்றவை)
Click it and Unblock the Notifications
Sign in with Google