உத்தர பிரதேசத்தை தட்டி தூக்கும் பாஜக.. மீண்டும் அரியணை ஏறும் யோகி.. நியூஸ் எக்ஸ் எக்ஸிட் போல்
டெல்லி: உத்தர பிரதேச சட்டசபை தேர்தலில் பாஜக 211-225 இடங்கள் வரை பெற்று வெற்றிபெற வாய்ப்பு உள்ளதாக நியூஸ் எக்ஸ் எக்ஸிட் போல் முடிவுகள் தெரிவித்துள்ளன.
இதன் மூலம் பாஜக தனிப்பெரும்பான்மை பெற்று வெற்றிபெறும் நியூஸ் எக்ஸ் நிறுவனம் தெரிவித்துள்ளது. உத்தர பிரதேசத்தில் 7 கட்டங்களாக இந்த முறை தேர்தல் நடைபெற்றது. பிப்ரவரி 10ம் தேதி தொடங்கிய தேர்தல் மார்ச் 7ம் தேதி வரை நடைபெற்றது.
உத்தர பிரதேசம்
மிகப்பெரிய திருவிழாவாக இங்கு தேர்தல் நடைபெற்றது. இன்றுதான் கடைசி கட்ட தேர்தல் நடைபெற்றது. 403 தொகுதிகளுக்கு 7 கட்டமாக தேர்தல் நடைபெற்றது. இங்கு மெஜாரிட்டி பெற 202 தொகுதிகளில் வெல்ல வேண்டும்.
எக்ஸிட் போல் முடிவுகள்
உ.பி தேர்தல் தொடர்பாக நியூஸ் எக்ஸ் எக்ஸிட் போல் முடிவுகளின்படி பாஜக 211-225 இடங்கள் வரை வெல்லும் என்று கூறப்பட்டுள்ளது. அங்கு பெரும்பான்மை பெற 202 இடங்கள் மட்டுமே தேவை. இதன் மூலம் பாஜகவிற்கு தனிப்பெரும்பான்மை கிடைக்கும் என்று நியூஸ் எக்ஸ் எக்ஸிட் போல் தெரிவித்துள்ளது.
மற்ற கட்சிகள்
சமாஜ்வாதி 146-160 இடங்கள் கிடைக்கும் என்று நியூஸ் எக்ஸ் எக்ஸிட் போல் தெரிவித்துள்ளது.
பகுஜன் சமாஜ் 14-24 இடங்கள் கிடைக்கும் என்று நியூஸ் எக்ஸ் எக்ஸிட் போல் தெரிவித்துள்ளது.
காங்கிரஸ் 4-6 இடங்கள் கிடைக்கும் என்று நியூஸ் எக்ஸ் எக்ஸிட் போல் தெரிவித்துள்ளது.
முந்தைய வரலாறு
உத்தர பிரதேசத்தில் மொத்தம் 403 இடங்கள் உள்ளன. கடந்த சட்டசபை தேர்தலில் உத்தர பிரதேசத்தில் பாஜக 303 இடங்களை வென்று ஆட்சியை பிடித்தது. அங்கு யோகி ஆதித்யநாத் தலைமையிலான பாஜக கட்சி ஆட்சி புரிந்து வருகிறது. அங்கு பாஜக கூட்டணிக்கு அப்னா தளம் கட்சியின் 9 இடங்களையும் சேர்த்து 312 இடங்கள் உள்ளன. எதிர்க்கட்சியான சமாஜ்வாதி கட்சிக்கு 49 இடங்கள் உள்ளன. பகுஜன் சமாஜ் பார்ட்டிக்கு 15 இடங்கள் உள்ளன.
காங்கிரஸ் கட்சிக்கு 7 இடங்கள் உள்ளன.
Click it and Unblock the Notifications
Sign in with Google