அப்போ சமாஜ்வாதிக்கு சான்ஸே இல்லையா! உ.பியில் மீண்டும் பாஜக ஆட்சிதான்.. டைம்ஸ் நவ் பரபர கணிப்பு

டெல்லி: உத்தர பிரதேச சட்டசபை தேர்தலில் பாஜக 225 இடங்கள் வரை பெற்று வெற்றிபெற வாய்ப்பு உள்ளதாக டைம்ஸ் நவ் வீட்டோ எக்சிட் போல் முடிவுகள் தெரிவித்துள்ளன.

உத்தர பிரதேச சட்டசபை தேர்தல்கள் ஒருவழியாக நடந்து முடிந்துள்ளன. இன்று மாலை 6 மணிக்கு சரியாக 7ம் கட்ட வாக்கு பதிவு முடிந்தது.

முழுமையாக வாக்கு பதிவு சதவிகிதம் சற்று நேரத்தில் தேர்தல் ஆணையம் மூலம் வெளியிடப்படும். இந்த நிலையில் தற்போது தேர்தலுக்கு பிந்தைய கருத்து கணிப்பு முடிவுகள் வெளியாகி உள்ளன.

யாருக்கு வெற்றி

உத்தர பிரதேசத்தில் மொத்தம் 403 இடங்கள் உள்ளன. உத்தர பிரதேசத்தில் பெரும்பான்மைக்கு 202 இடங்களில் வெற்றிபெற வேண்டும். இந்த நிலையில் டைம்ஸ் நவ் - வீட்டோ எக்சிட் போல் வெளியிட்டுள்ள கணிப்பில் அங்கு முதல் கட்ட தேர்தலில் 58 இடங்களில் பாஜக 31 இடங்களையும், பகுஜன் சமாஜ் 23 இடங்களையும் வெல்லும் என்று கணிக்கப்பட்டுள்ளது. மேலும் பகுஜன் சமாஜ் 1, காங்கிரஸ் 2, மற்றவர்கள் 1 ஆகிய இடங்களில் வெல்லும் என்று கணிக்கப்பட்டுள்ளது. இரண்டாம் கட்ட தேர்தலில் 55 இடங்களில் பாஜக 31 இடங்களில், சமாஜ்வாதி 20, பகுஜன் சமாஜ் 2, காங்கிரஸ் 2 இடங்களில் வெல்லும் என்று கணிக்கப்பட்டுள்ளது.

கட்டங்கள் ரீதியாக

மூன்றாம் கட்ட தேர்தலில் இடங்களில் பாஜக 32 இடங்களிலும், சமாஜ்வாதி 23 இடங்களிலும், பகுஜன் சமாஜ் 1 இடத்திலும், காங்கிரஸ் 2 இடத்திலும், மற்ற கட்சிகள் 1 இடத்திலும் வெல்லும் என்று கணிக்கப்பட்டுள்ளது. நான்காம் கட்ட தேர்தலில் இடங்களில் பாஜக 38 இடங்களிலும், சமாஜ்வாதி 18 இடங்களிலும், பகுஜன் சமாஜ் 1 இடத்திலும், காங்கிரஸ் 2 இடத்திலும், மற்ற கட்சிகள் 1 இடத்திலும் வெல்லும் என்று கணிக்கப்ப்டுள்ளது. 5ம் கட்ட தேர்தலில் இடங்களில் பாஜக 38 இடங்களிலும், சமாஜ்வாதி 20 இடங்களிலும், பகுஜன் சமாஜ் 1 இடத்திலும், காங்கிரஸ் 1 இடத்திலும் வெல்லும் என்று கணிக்கப்பட்டுள்ளது.

மொத்தம் எத்தனை

மொத்தமாக உத்தர பிரதேசத்தில் 403 இடங்களில் பாஜக 225 இடங்களில் வெல்லும் என்று கணிக்கப்பட்டுள்ளது.. சமாஜ்வாதி 151 இடங்களில் வெல்லும் என்று கணிக்கப்பட்டுள்ளது. பகுஜன் சமாஜ் 14 இடங்களில் வெல்லும் என்று கணிக்கப்பட்டுள்ளது.காங்கிரஸ் 9 இடங்களில் வெல்லும் என்று கணிக்கப்பட்டுள்ளது. மற்ற கட்சிகள் 4 இடங்களில் வெல்லும் என்று கணிக்கப்பட்டுள்ளது. உத்தர பிரதேசத்தில் 7 கட்டங்களாக இந்த முறை தேர்தல் நடைபெற்றது. பிப்ரவரி 10ம் தேதி தொடங்கிய தேர்தல் மார்ச் 7ம் தேதி வரை நடைபெற்றது குறிப்பிடத்தக்கது.

இதற்கு முன் எப்படி

அங்கு யோகி ஆதித்யநாத் தலைமையிலான பாஜக கட்சி ஆட்சி புரிந்து வருகிறது. மீண்டும் அங்கு ஆதித்யநாத் முன்னிறுத்தப்பட்டு பாஜக தேர்தலை சந்தித்துள்ளது. உத்தர பிரதேசத்தில் மொத்தம் 403 இடங்கள் உள்ளன. கடந்த சட்டசபை தேர்தலில் உத்தர பிரதேசத்தில் பாஜக 303 இடங்களை வென்று ஆட்சியை பிடித்தது. அங்கு பாஜக கூட்டணியில் இருந்த அப்னா தளம் கட்சியின் 9 இடங்களையும் சேர்த்து 312 இடங்கள் வென்றது. எதிர்க்கட்சியான சமாஜ்வாதி கட்சிக்கு 49 இடங்களை வென்றது. பகுஜன் சமாஜ் பார்ட்டி 15 இடங்களில் வென்றது. காங்கிரஸ் கட்சி 7 இடங்களில் வென்றது.

English summary

UP exit poll 2022 result: BJP will win with 225 seats says Times Now-Veto Exit Pol.