டெல்டா வகை கொரோனாவிற்கு எதிராக.. வேக்சின்களுக்கு 8 மடங்கு செயல் திறன் குறைவாம்.. அதிர்ச்சி ஆய்வு!

Published: Monday, July 5, 2021, 23:45 [IST]

Subscribe to Oneindia Tamil

டெல்லி: டெல்டா வகை கொரோனாவிடம் வேக்சின்கள் 8 மடங்கு செயல்திறன் குறைவானதாக இருப்பதாக ஆய்வு ஒன்று தெரிவித்துள்ளது.

Recommended Video

India-வில் Coronavirus 3rd Wave அடுத்த மாதம் ஏற்படலாம்.. SBI வல்லுநர் குழு எச்சரிக்கை

டெல்டா வகை கொரோனா வைரஸ் குறித்து உலகம் முழுக்க பல்வேறு நாடுகள் எச்சரிக்கை விடுத்து வருகின்றன. இந்த வகை கொரோனா மிகவும் மோசமானது, வேகமாக பரவ கூடியது என்று பல்வேறு நாடுகள் தொடர்ந்து எச்சரிக்கை விடுத்து வருகின்றன.

முக்கியமாக இந்த டெல்டா வகை வைரஸ் கொரோனா வேக்சின் எடுத்தவர்களையும் கூட பாதிக்கும் வாய்ப்புகள் இருப்பதாக வல்லுநர்கள் எச்சரிக்கை விடுத்து வருகின்றன. இந்த நிலையில் சர் கங்காராம் மருத்துவமனையில் இது தொடர்பாக செய்யப்பட்ட ஆய்வுகள் அதிர்ச்சி அளித்துள்ளன.

ஆய்வு

அதன்படி கொரோனா வைரஸ் வேக்சின்கள் டெல்டா வகை கொரோனாவிடம் 8 மடங்கு செயல்திறன் குறைவானதாக இருப்பதாக ஆய்வு தெரிவித்துள்ளது. அதாவது மற்ற வகை கொரோனாவிடம் இருக்கும் பவரை விட டெல்டா வகை கொரோனாவிடம் 8 மடங்கு குறைவான பவரையே வேக்சின் கொண்டு இருக்கிறது. சர் கங்காராம் மருத்துவமனையில் இது தொடர்பாக செய்யப்பட்ட ஆய்வில் இந்த முடிவுகள் வெளியாகி உள்ளன.

முடிவுகள்

"Sars-Cov-2 B.1.617.2 Delta Variant Emergence and Vaccine Breakthrough: Collaborative Study என்ற தலைப்பில் இந்த ஆய்வு செய்யப்பட்டுள்ளது. 100க்கும் மேற்பட்ட முன்கள பணியாளர்களிடம் இந்த ஆய்வு செய்யப்பட்டு இருக்கிறது. இந்த ஆய்வில் கேம்பிரிட்ஜ் இன்ஸ்டிடியூட் ஆப் தெரபியூடிக் இம்யூனாலஜி மற்றும் தொற்று நோய் பிரிவு ஆய்வாளர்களும் கலந்து கொண்டனர்.

முடிவு

இந்த ஆய்வில் முடிவில், கொரோனா வேக்சின் எடுத்தவர்கள் இடையில் பரவும் கொரோனா வகையில் டெல்டா வகை கொரோனாதான் அதிகம் காணப்படுகிறது. டெல்டா வகை கொரோனா வேக்சின் எடுத்தவர்களிடம் பரவும் போது, அவர்களிடம் வைரல் லோட் அதிகம் உள்ளது. சாதாரண வகை கொரோனா இவ்வளவு பாதிப்புகளை ஏற்படுத்துவது இல்லை.

பாதிப்பு

8 மடங்கு அதிக ஆற்றல் கொண்டதாக இது உள்ளது. அதோடு முழுதாக வேக்சின் போட்டவர்களும் மத்தியிலும் அதிக பரவும் திறன் கொண்டதாக உள்ளது. இந்த வைரஸ் வேகமாக பிரதி எடுக்கிறது. இது பரவலின் வேகத்தை அதிகமாக்குகிறது. 2 டோஸ் வேக்சின் எடுத்தவர்கள் டெல்டா வகை மூலம் மருத்துவமனையில் அனுமதி ஆவது குறைவு என்றாலும் இவர்கள் மற்றவர்களுக்கு டெல்டா வகையை பரப்பும் வாய்ப்பு அதிகம்.

வேக்சின்

வேக்சின் எடுக்காதவர்கள் மத்தியில் டெல்டா வகை வைரஸ் இதனால் அதிகம் பரவ வாய்ப்புள்ளது. இது மருத்துவமனையில் புதிய கிளஸ்டர்களை ஏற்படுத்த வாய்ப்புள்ளது. புதிய அலைகளை இது ஏற்படுத்த வாய்ப்புள்ளது என்று இந்த ஆய்வு அறிக்கை எச்சரிக்கை விடுத்துள்ளது.

Published On July 5, 2021