Valentines Day: இந்த 8 நாடுகளில் காதலர் தினம் கொண்டாட்டங்களுக்கு தடை!காதலுக்கு கெட் அவுட்டா?

டெல்லி: காதலர் தினம் உலகம் எங்கும் வாழும் காதலர்களால் மகிழ்ச்சியாக கொண்டாடப்பட்டு வரும் நிலையில் 8 நாடுகளில் காதலர் தினம் கொண்டாட தடை விதிக்கப்பட்டுள்ளது. அவை எந்தெந்த நாடுகள் என்பதை பார்க்கலாம்.

காதலர்கள் தினம் - உலகெங்கும் காதலர்களின் இதயத்தை திருடும் அந்த ரொமான்டிக் நாள்! காதல் - இரு மனங்கள் இணைதல்! இந்த அழகான அன்பை கொண்டாட காதலர் தினம் என்ற ஒன்று ஆண்டுதோறும் பிப்ரவரி 14 ஆம் தேதி கொண்டாடப்பட்டு வருகிறது.

இதையொட்டி காதலன், காதலி தங்கள் வசதிக்கேற்ப ஒரு ரூபாய் முதல் பல கோடி ரூபாய் வரை பரிசுகளை பரிமாறிக் கொள்வர். காதலுக்கு தினமும் கொண்டாட்டம் என்றாலும் இன்றைய தினம் இருவரும் நேருக்கு நேர் சந்தித்து அவர்கள் இருக்கும் இடத்தில் சுற்றுலா தளங்களுக்கு சென்று ஜாலியாக பேசி, அரட்டை அடித்துக் கொண்டு உணவை சாப்பிட்டுவிட்டு அன்றைய தினம் நல்லவிதமாக பொழுதை கழிப்பது வழக்கம்.

இப்படி இன்றைய தினம் காதலர் தினம் கொண்டாடப்பட்டு வரும் நிலையில் சில நாடுகளில் இந்த நாள் கொண்டாட்டம் தடை செய்யப்பட்டிருக்கிறது அல்லது கடுமையான கட்டுப்பாடுகளுக்கு உள்ளாகியிருக்கிறது. கலாச்சாரம், மதம், அரசியல் காரணங்களால் இந்த 'காதல் திருவிழா' அங்கு வரவேற்கப்படுவதில்லை.

அவை என்னென்ன நாடுகள் தெரியுமா

சவுதி அரேபியா
ஈரான்
பாகிஸ்தான்
மலேசியா
இந்தோனேஷியா
வடகொரியா
உஸ்பெகிஸ்தான்
டர்க்மெனிஸ்டான்

சவுதி அரேபியா

பல ஆண்டுகளாக அங்கு சிவப்பு ரோஜா, ஹார்ட் வடிவ பரிசுப் பொருட்களை விற்பனை செய்வதை தடுக்கப்படுகிறது. கடைகளுக்கு எச்சரிக்கை, அபராதம் எல்லாம் வழக்கமாக இருந்தது. ஆனால் 2016-க்குப் பிறகு இளவரசர் முகமது பின் சல்மான் போலீசாரின் அதிகாரத்தை குறைத்ததால், இப்போது கடைகளில் வாலெண்டைன்ஸ் டெக்கரேஷன்கள் திறந்தே வைக்கப்படுகின்றன.

ஈரான்

2011-ல் அரசு வாலெண்டைன்ஸ் பொருட்களின் உற்பத்தி, விற்பனையை தடை செய்தது. மேற்கத்திய கலாச்சாரத்தின் அடையாளம் என்று கருதி! ஆனால் தனியார் கொண்டாட்டத்துக்கு தடை இல்லை. இளைஞர்கள் ரகசியமாக கொண்டாடுகிறார்கள். அதற்கு பதிலாக பழங்கால பெர்சியன் காதல் திருவிழா 'Sepandarmazgan' ஐ ஊக்குவிக்கிறார்கள்.

பாகிஸ்தான்

பாகிஸ்தான்-ல் 2017-ல் இஸ்லாமாபாத் உயர் நீதிமன்றம் பொது கொண்டாட்டம், ஊடக விளம்பரங்களை தடை செய்தது. இஸ்லாமிய மதிப்புகளுக்கு எதிரானது என்று! தனியார் கொண்டாட்டம் தடை இல்லை என்றாலும், பல இடங்களில் கட்டுப்பாடு தொடர்கிறது.

மலேசியா

மலேசியா-வில் 2005-ல் தேசிய ஃபத்வா கவுன்சில் முஸ்லிம்களுக்கு 'ஹராம்' என்று அறிவித்தது - அநாகரிக நடத்தையை ஊக்குவிக்கிறது என்று. ஆனால் அல்லாத முஸ்லிம்கள் சுதந்திரமாக கொண்டாடுகிறார்கள். கோலாலம்பூரில் கடைகள் நிறைய விளம்பரம் செய்கின்றன!

இந்தோனேசியா

இந்தோனேசியாவில் தேசிய அளவில் தடை இல்லை, ஆனால் ஷரியா சட்டம் நடைமுறையில் உள்ள பண்டா அசே பகுதியில் பொது கொண்டாட்டம் நடத்த தடை. மற்ற நகரங்களில் வெளிப்படையாக கொண்டாட்டம் நடக்கிறது.

வடகொரியா

வட கொரியாவில் வெளிநாட்டு கலாச்சார கொண்டாட்டங்களுக்கு அனுமதி இல்லை. வாலெண்டைன்ஸ் டே அங்கு அறியப்படவே இல்லை - அரசுக்கு விசுவாசத்தை மட்டுமே கொண்டாட வேண்டும்!

உஸ்பெகிஸ்தான்

உஸ்பெகிஸ்தானில் 2012-ல் கல்வி அமைச்சகம் பள்ளி, கல்லூரிகளில் கொண்டாட்டம், கச்சேரிகளை தடை செய்தது. தேசிய கலாச்சாரத்தை ஊக்குவிக்க வேண்டும் என்று.

டர்க்மெனிஸ்தான்

டர்க்மெனிஸ்தானில் வெளிநாட்டு கொண்டாட்டங்களை அரசு கட்டுப்படுத்துகிறது. வாலெண்டைன்ஸ் டே பெரிதாக இல்லை, தேசிய பாரம்பரியங்களே முன்னுரிமை.

இந்த நாடுகளில் பெரும்பாலானவை பொது கொண்டாட்டம், வணிக விளம்பரங்களை தடுக்கின்றன - தனியார் காதல் கொண்டாட்டத்தை முழுதாக தடை செய்வதில்லை. சில இடங்களில் காலப்போக்கில் தளர்வு வந்திருக்கிறது. காதல் எல்லை தாண்டி வருவதில்லை - ஆனால் சில இடங்களில் அதை 'மறைத்து' கொண்டாட வேண்டியிருக்கிறது! உங்கள் வாலெண்டைன்ஸ் டே எப்படி கொண்டாடி வருகிறீர்கள் என்பதை கமென்ட்டில் சொல்லுங்கள்.

English summary

While Valentine’s Day is celebrated with joy by couples around the world, the occasion is officially banned or restricted in eight countries due to cultural, religious, or political reasons. Here’s a look at the nations where Valentine’s Day celebrations are prohibited and the reasons behind the ban.