பக்கத்துல புதுப் பொண்டாட்டியை வைத்துக் கொண்டு பப்ஜி ஆடிய மணமகன்.. வைரலாகும் வீடியோ

Updated: Tuesday, April 30, 2019, 19:15 [IST]

Subscribe to Oneindia Tamil

டெல்லி: பக்கத்தில் புதுப் பொண்டாட்டியை வைத்துக் கொண்டு தனது சொந்த திருமணத்தின் போது மணமேடையில் மணமகன் பப்ஜி விளையாடிய டிக் டாக் வீடியோ வைரலானது.

புளுவேல் என்ற விளையாட்டு கடந்த இரு ஆண்டுகளுக்கு முன் பிரபலம் ஆகி பலபேரது உயிர்களை காவு வாங்கியது. இதையடுத்து இந்த விளையாட்டு தடை செய்யப்படுமா என்ற கேள்விகள் எழுப்பப்பட்டன.

இந்த விளையாட்டு மெல்ல மெல்ல காணாமல் போய்விட்டது. தற்போது அதற்கு பதில் பப்ஜி விளையாட்டு தற்போது பிரபலம் ஆகியுள்ளது. இந்த நிலையில் இதுவும் உயிரை காவும் வாங்கும் விளையாட்டு என்பதால் இந்த விளையாட்டு தடை செய்ய வேண்டும் என கோரிக்கை எழுந்தது.

கவனம்

இந்த விளையாட்டு பள்ளி மாணவர்கள் முதல் பெரியவர்கள் வரை இந்த விளையாட்டுக்கு அடிமையாகி வருகின்றனர். இதனால் மாணவர்களின் கவனம் சிதறுவதாக நிபுணர்கள் கூறுகின்றனர்.

வீடியோ

இந்த நிலையில் தன்னுடைய திருமணத்தின் போதே மணமேடையில் அமர்ந்து கொண்டு மணமகன் பப்ஜி விளையாடும் வீடியோ வைரலாகி வருகிறது. அந்த வீடியோ எடுக்கப்பட்டு டிக் டாக் ஆப்பில் பதிவேற்றம் செய்யப்பட்டது.

புதுப்பெண் அதிர்ச்சி

மணமேடையில் தான் பக்கத்தில் அமர்ந்திருக்கும் போதே புதுமாப்பிள்ளை பப்ஜி விளையாட்டை விளையாடுவதை பார்த்து புதுப்பெண் அதிர்ச்சி அடைந்தார். ஒருவர் அன்பளிப்பு கொடுக்க வருகிறார். அவர் வாழ்த்த வருவதை தொந்தரவாக கருதிய மணமகன் அந்த பரிசுப் பொருளை தட்டிவிட்டு விட்டு மீண்டும் பப்ஜியில் கவனத்தை செலுத்துகிறார்.