உச்சம் தொட்ட வாக்குப்பதிவு.. மேற்கு வங்கத்தில் நடந்த அதிசயம்! அதிக ஆர்வம் காட்டும் வாக்காளர்கள்!

டெல்லி: மேற்கு வங்க சட்டமன்ற தேர்தலின் முதல்கட்ட வாக்குப்பதிவு நடைபெற்று வரும் நிலையில், மாலை 6 மணி நிலவரப்படி சுமார் 91.58% வாக்குகள் பதிவாகியுள்ளன. கடந்த தேர்தலில் இந்த அளவுக்கு வாக்குப்பதிவு நடந்தது கிடையாது.

கடந்த முறை 8 கட்டங்களாக தேர்தல் நடைபெற்றது. ஒவ்வொரு கட்டத்திலும் 79.90%, 84.63% என வாக்குகள் பதிவாகியிருந்தன. அதிகபட்சமாக 2ம் கட்டத்தில் 86.11% வாக்குகள் பதிவாகியிருந்தன. இந்நிலையில் தற்போது மாலை 5 மணி நிலவரப்படி 89.93% வாக்குகள் பதிவாகியுள்ளன.

2021-இல் சுமார் 7.34 கோடி வாக்காளர்கள் இருந்தனர். ஆனால் இந்த முறை 27 லட்சம் வாக்காளர்கள் நீக்கப்பட்ட பிறகு, வாக்காளர் எண்ணிக்கை கணிசமாகக் குறைந்துள்ளது. 2021-ன் முதல் கட்டத்தில் 84.63% பதிவாகியிருந்தது. இந்த முறை அந்த இலக்கு தாண்டுமா? என்கிற எதிர்பார்ப்பு இருந்த நிலையில், தற்போது மாலை 5 மணிக்கே இலக்கு தாண்டப்பட்டிருக்கிறது. இறுதியதாக 6 மணி நிலவரப்படி, 91.58% வாக்குகள் பதிவாகியுள்ளன.

English summary

West Bengal: As the first phase of voting for the West Bengal Assembly elections is underway, approximately 89.93% of votes have been recorded as of 5 PM. Such a high voter turnout was not witnessed in the previous election.