பூபேஷ் பாகேல் தான் ஒரே சாய்ஸ்! பாஜகவுக்கு கடும் பின்னடைவு! சத்தீஸ்கர் முதல்வர் வேட்பாளர்! புது சர்வே

டெல்லி: சத்தீஸ்கர் மாநிலத்தில் இன்னும் சில வாரங்களில் சட்டசபைத் தேர்தல் நடைபெறும் நிலையில், அங்கே சிறந்த முதல்வர் வேட்பாளர் யார் என்பது குறித்த புது சர்வே முடிவுகள் இப்போது வெளியாகியுள்ளது.

மத்திய பிரதேசம், ராஜஸ்தான் உள்ளிட்ட 5 மாநிலங்களில் இந்தாண்டு இறுதியில் சட்டசபைத் தேர்தல் நடைபெற உள்ளது. இதில் சத்தீஸ்கர் மாநிலத்தைப் பொறுத்தவரை நவ. 7 மற்றும் நவ.17 என இரண்டு கட்டங்களாகத் தேர்தல் நடைபெறுகிறது.

அங்கே நக்சல் அமைப்புகளின் நடமாட்டம் இருப்பதாலேயே தேர்தல் இரு கட்டங்களாக நடைபெறுகிறது. 5 மாநிலங்களின் தேர்தல் முடிவுகளும் வரும் டிச. 3இல் அறிவிக்கப்படுகிறது.

சத்தீஸ்கர் மாநிலத்தைப் பொறுத்தவரை, அது கடந்த 2000இல் தான் உருவாக்கப்பட்டது. அதற்கு முன்பு வரை அது மத்தியப் பிரதேச மாநிலத்தின் ஒரு பகுதியாகவே இருந்து வந்தது. அதன் பின்னரே தனி மாநிலமாக உதயமானது. தொடர்ந்து அங்கே பாஜக ஆட்சியில் இருந்த நிலையில், கடந்த 2018 தேர்தலில் தான் காங்கிரஸ் அங்கே முதல்முறையாக ஆட்சியை அமைத்தது.

சத்தீஸ்கர் மாநிலத்தில் மொத்தம் 90 இடங்கள் இருக்கும் நிலையில், 2018 தேர்தலில் காங்கிரஸ் 68 இடங்களில் வென்று ஆட்சியைப் பிடித்து. சத்தீஸ்கரில் பல ஆண்டுகளுக்குப் பிறகு மீண்டும் காங்கிரஸ் ஆட்சிக்கு வந்திருந்தது. மறுபுறம் அப்போது ஆட்சியில் இருந்த பாஜகவால் 15 இடங்களில் மட்டுமே வெல்ல முடிந்தது.

இதற்கிடையே சத்தீஸ்கர் மாநிலத்தில் யார் சிறந்த முதல்வர் வேட்பாளர் என்பது குறித்து ஏபிபி சி வோட்டர் இணைந்து நடத்திய சர்வே முடிவுகள் இப்போது வெளியாகியுள்ளது. அதில் தற்போதைய முதல்வரும் காங்கிரஸ் தலைவருமான பூபேஷ் பாகேலுக்கு 45% ஆதரவு இருக்கிறது. அவரைத் தவிர வேறு யாருக்கும் 40%க்கு மேல் ஆதரவு இல்லை.

அடுத்து இரண்டாம் இடத்தில் பாஜகவின் ராமன் சிங் 26 சதவீதத்துடன் இரண்டாவது இடத்தில் உள்ளார். காங்கிரஸின் டி.எஸ்.சிங்தேவ் 6 சதவீதத்துடன் மூன்றாவது இடத்திலும், மற்றொரு பாஜக தலைவரான சரோஜ் பாண்டே 2 சதவீதத்துடன் நான்காவது இடத்திலும் உள்ளதாக ஏபிபி சி வோட்டர் சர்வே-இல் கூறப்பட்டுள்ளது.

சத்தீஸ்கர் மாநிலத்தைப் பொறுத்தவரை தற்போது வரை வெளியான சர்வேக்களில் பாஜக வெல்லவே வாய்ப்புகள் அதிகம் என்று கூறப்பட்டுள்ளது.

English summary

Chhattisgarh assembly election ABP-CVoter Opinion Poll: ABP-CVoter Opinion Poll Chhattisgarh assembly election.