ஆஹா.. தருமபுரி தொகுதியில் மாம்பழம் தடுமாறுதா? சவுமியா அன்புமணி நிலை என்ன? தந்தி டிவி போல் ரிசல்ட்!

தருமபுரி: தருமபுரி லோக்சபா தொகுதியில் பாஜக கூட்டணி சார்பில் சவுமியா அன்புமணி போட்டியிடும் நிலையில், அங்கு வெற்றி வாய்ப்பு யாருக்கு? தந்தி டிவி கருத்துக்கணிப்பு முடிவுகள் சொல்வது என்ன தெரியுமா?

மக்களவைத் தேர்தலுக்கு இன்னும் 2 நாட்களே உள்ள நிலையில் இறுதிக்கட்ட வாக்கு சேகரிப்பு பணியில் அனைத்துக் கட்சிகளும் தீவிரமாக ஈடுபட்டுள்ளன. தேர்தல் அறிவிப்பு வெளியிட்ட நாள் முதல் தருமபுரி மக்களவைத் தொகுதியில் போட்டியிடும் வேட்பாளர்கள் தங்களது கூட்டணிக் கட்சியினருடன் இணைந்து வாக்கு சேகரிப்பு பணியில் ஈடுபட்டு வருகின்றனர்.

தருமபுரி லோக்சபா தொகுதியில் திமுக சார்பில் அ.மணி, அதிமுக வேட்பாளராக அசோகன், பாஜக கூட்டணியில் பாமக வேட்பாளர் சவுமியா அன்புமணி, நாம் தமிழர் கட்சி சார்பில் அபிநயா ஆகியோர் போட்டியிடுகின்றனர். கடந்த 2019 லோக்சபா தேர்தலில் திமுக சார்பில் போட்டியிட்ட செந்தில்குமார், பாமகவின் அன்புமணி ராமதாஸை தோற்கடித்திருந்தார்.

இந்நிலையில், தற்போது, பாஜக கூட்டணியில் சௌமியா அன்புமணி போட்டியிடுவதால் தருமபுரி தேர்தல் களம், அனைவரும் எதிர்பார்க்கும் தொகுதியாக மாறியுள்ளது. இந்நிலையில், தந்தி டிவி கருத்துக்கணிப்பு முடிவுகள் வெளியாகியுள்ளன. அதில், தருமபுரி தொகுதியில் வெல்லப்போவது யார் என்ற கருத்துக்கணிப்பு முடிவுகளும் வெளியிடப்பட்டுள்ளன.

தருமபுரி லோக்சபா தொகுதியில் திமுக 33 - 39 % வாக்குகளைப் பெறும் என்றும், பாமக 29 - 35 % வாக்குகளைப் பெறும் என்றும், அதிமுக 23 - 29% வாக்குகளைப் பெறும் என்றும், நாம் தமிழர் கட்சி 5 - 8% வாக்குகளைப் பெறும் என்றும் தந்தி டிவி கருத்துக் கணிப்பில் தெரிவிக்கப்பட்டுள்ளது.

பாஜக கூட்டணியில் போட்டியிடும் பாமகவின் சவுமியா அன்புமணி தீவிர பிரச்சாரம் மேற்கொண்டு வரும் நிலையில், பாஜக கூட்டணி வெல்ல வாய்ப்புள்ள தொகுதி என தருமபுரி சுட்டிக்காட்டப்பட்டு வருகிறது. ஆனால், தந்தி டிவி கருத்துக்கணிப்போ, தருமபுரியில் மீண்டும் திமுகவுக்கே வெற்றி வாய்ப்பு என்கிறது.

English summary

PMK candidate Sowmya Anbumani is contesting on behalf of BJP alliance in the Dharmapuri Lok Sabha constituency, who has a chance of winning there?