28,000 கிமீ வேகம்.. கொடைக்கானல் மேல் பறந்து சென்ற சர்வதேச விண்வெளி நிலையம்! எப்படி இருக்கு பாருங்க!

திண்டுக்கல்: பூமியில் இருந்து 400 கிலோமீட்டர் உயரத்தில் மணிக்கு 28,000 கிலோமீட்டர் வேகத்தில் சுற்றி வரும் சர்வதேச விண்வெளி மையம் தமிழ்நாட்டின் கொடைக்கானலுக்கு மேலே பறந்து சென்றது. இதுதொடர்பான வீடியோ தற்போது வெளியாகி இணையதளத்தில் பரவி வருகிறது.

நம் பூமிக்கு மேலே விண்வெளியில் சர்வதேச விண்வெளி நிலையம் (International Space Station) சுற்றி வருகிறது. பூமியின் தாழ்வான சுற்றுவட்டப்பாதையில் இந்த சர்வதேச விண்வெளி நிலையம் நிலைநிறுத்தப்பட்டு பூமியை சுற்றி வருகிறது.

அமெரிக்கா, ரஷ்யா, ஐரோப்பா, ஜப்பான், கனடா உள்ளிட்ட 5 நாடுகளின் விண்வளெி ஆய்வு நிறுவனங்கள் சேர்ந்து இதனை உருவாக்கி உள்ளன. இந்த சர்வதேச விண்வெளி நிலையத்தில் வீரர்கள், வீராங்கனைகள் தங்கி ஆராய்ச்சிகளையும், ஆய்வுகளையும் மேற்கொண்டு வருகின்றனர். தற்போது நம் நாட்டின் சுபான்ஷூ சுக்லா சர்வதேச விண்வெளி நிலையத்தில் தங்கி ஆய்வுகளை மேற்கொண்டு வருகிறார்.

இந்த சர்வதேச விண்வெளி நிலையம் பூமிக்கு மேலே 400 கிலோமீட்டர் உயரத்தில் மணிக்கு 28,000 கிலோமீட்டர் வேகத்தில் சுற்றி வருகிறது. இது ஒரு முறை பூமியை சுற்றுவதற்கு 90 நிமிடங்கள் என ஒருநாளைக்கு 16 முறை சுற்றுகிறது. இதனால், சர்வதேச விண்வெளி நிலையத்தில் இருக்கும் விண்வெளி வீரர்கள், தினமும் 16 முறை சூரிய உதயத்தையும், அஸ்தமனத்தையும் பார்க்க முடியும்.

இதற்கிடையே தான் நாசா முக்கியமான அறிவிப்பை வெளியிட்டது. அதாவது கடந்த 6ம் தேதி முதல் வரும் 12ம் தேதி வரை நம் நாட்டில் இருந்து பொதுமக்கள் வெறும் கண்களால் சர்வதேச விண்வெளி நிலையத்தை பார்க்கலாம் என்று அறிவித்தது. அதன்படி தற்போது பல இடங்களில் விண்வெளி நிலையத்தை மக்கள் வெறும் கண்களால் பார்த்து வருகின்றனர்.

We captured the ISS above our iconic building at KSO. Spot the ISS (International Space Station) for the coming days at your location.
Source: App ISS Detector
YT: https://t.co/Nyhlyg1HCv@IIABengaluru @IndiaDST #ISS #subhanshusukhla #kodaikanal pic.twitter.com/daWUi928Os

— Kodaikanal Observatory (@kodaiastronomy) July 7, 2025

அந்த வகையில் திண்டுக்கல் மாவட்டத்தில் உள்ள சுற்றுலா தலமான கொடைக்கானலில் சர்வதேச விண்வெளி நிலையம் தெரிந்துள்ளது. கொடைக்கானலில் வரலாற்று சிறப்புமிக்க சூரிய வான் ஆய்வகம் உள்ளது. இந்த ஆய்வகத்தில் இருந்து கொண்டு தான் கொடைக்கானலின் மேல்புறம் சர்வதேச விண்வெளி நிலையம் மின்னல் வேகத்தில் பறந்து சென்றபோது வீடியோ மற்றும் போட்டோ எடுக்கப்பட்டுள்ளது.

English summary

The International Space Station, orbiting 400 kilometers above the Earth at a speed of 28,000 kilometers per hour, flew over Kodaikanal in Tamil Nadu. A video of the incident has now been released and is circulating on the internet.